2 SAMUEL 3:17 - Dios Rimashcata Quillcashcami

¹⁷ Chai quipami Abnerca israelcunata pushac yuyaccunahuan parlashpaca: —Cancuna Davidta jatun mandac cachun churasha nicushcaca ñami unai tucun.

2 SAMUEL 3:17 Referans Kwoze

1 SAMUEL 8:4

Chaimantami israelcunata mandac yuyaccunaca tucui tandanacushpa Samuelman parlangapac Ramá puebloman rirca.

2 SAMUEL 3:18

Cunanca, mandac cachun churailla. Chaica Mandac Diosllatacmi Davidtaca: “Ñucata servic Davidpac maquihuanmi ñuca acllashca israelcunataca filisteocunapac maquimanta, shuctac piñaccunapac maquimantapish quishpichisha” nircami— nirca.

1 SAMUEL 24:20

Cunanca can mandac tucunatapish allimi yachani. Israelcunata mandanaca cambac maquipimi huiñaita alli canga.

1 CRÓNICAS 11:10

Davidpac sinchi soldadocunata mandaccunaca caicunami. Paicunami David mandai callarichunca israelcunahuan tandanacushpa, Mandac Dios huillashca shinallatac David israelcunata jatun mandac cachun ayudarcacuna.

SALMOS 75:7

Ashtahuanpish Diosmi taripashpa, maijantaca cumurichin, maijancunataca cushichin.