2 SAMUEL 24:2 - Dios Rimashcata Quillcashcami

² Shina nicpimi, jatun mandacca macanacuc runacunata pushac Joabtaca: —Ñuca mashna gentecuna tiyashcata yachangapac Dan pueblomanta callarishpa Beerseba pueblocaman tucui israelcunata yupai— nirca.

2 SAMUEL 24:2 Referans Kwoze

2 SAMUEL 3:10

Israel llactatapish, Judá llactatapish mandanata Saulpac huasi ucupuramanta quichushpa, Dan llactamanta callarishpa Beerseba llactacaman David mandachun— nirca.

JUECES 20:1

Tucui israelcunami Dan pueblomanta Beerseba pueblocaman llucshishpa Mizpa pueblopi Mandac Diospac ñaupapi shuc shinalla tandanacurca. Chaipica Galaad llactapi causac gentecunacamanmi carca.

2 SAMUEL 20:23

Joabmi tucui Israel soldadocunata mandacurca. Cutin Joiadapac churi Benaiasca cereteocunata, peleteocunatami mandacurca.

2 CORINTIOS 12:7

Chai muscuipi shina ricushcamanta ñuca mana yalli jatun tucuchunca, ñuca cuerpopi shuc casha tucsic shinami Diosca nanaita churarca. Chai shinami ama yalli jatun tucuchunca, Satanaspish chai nanaillahuantac llaquichicunlla.

JEREMÍAS 17:5

Mandac Diosca: «Ñucamanta anchurishpa, huañuclla runapi shunguta churashpa causacca llaqui tucungatacmi. Paipac shungupish ñucamanta anchuricunmi.

PROVERBIOS 29:23

Jatun tucuc runataca llaquimi japinga. Ashtahuanpish shungupi yangalla cac runaca alli nishcami canga.

2 CRÓNICAS 32:31

Ashtahuanpish Judá llactapica ima jatun llaquicunata, jatun mancharinacunata ruhuashcata yachachunmi, Babilonia llactata mandaccunaca maijan tapuccunata cacharcacuna. Mandac Diosca Ezequías paipac shungupi ima shina yuyashcata yachangapacmi, chai tapuccuna shamucpica, paimanta anchurirca.

1 CRÓNICAS 21:2

Chaimantami Davidca Joabtapish, soldadocunata mandaccunatapish mandashpaca: —Mashna israelcuna tiyashcata ñuca yachangapac Beerseba pueblomanta callarishpa, Dan pueblocaman yupashpa ñucaman huillac shamuichic— nirca.

2 SAMUEL 23:37

amonitapuramanta Selecpish, Beerot pueblomanta Sarviapac cari huahua Naharaipishmi carca. Paica Joabpac escudota apacmi carca.

2 SAMUEL 17:11

Ñucaca Dan pueblomanta callarishpa, Beerseba pueblopi causaccunacaman tucui israelcunata tandachishpa, mama cucha tiyu shina achcata pushashpa canllatac macanacungapac llucshichunmi yuyaita cuni.

2 SAMUEL 8:16

Sarviapac huahua Joabca soldadocunatami mandacurca. Ahiludpac churi Josafatca jatun mandacpac quillcacmi carca.

2 SAMUEL 2:13

Shinallatac Sarviapac huahua Joabpish, Davidta serviccunapish rishpami Gabaón pueblo cuchupi tiyac uchilla cucha ladopi tupanacurca. Chaipimi shuccunaca shuc ladoman, shuccunaca shuc ladoman shayarirca.

GÉNESIS 21:14

Shina nicpimi, Abrahamca tutamanta utca jatarishpa micunatapish, shuc puru yacutapish Agarman curca. Shinallatac huahuatapish cushpami, caya minchacaman nishpa cacharca. Agarca Beerseba shitashca pambatami maiman chayanatapish mana yachashpa ricurcalla.

2 SAMUEL 24:15

Chashnami Mandac Diosca yallita llaquichic ungüita israelcunaman cacharca. Chai tutamantamanta callarishpa, maicaman llaquichina punzhacamanca canchis chunga gentecunami Dan pueblomanta callarishpa Beerseba pueblocaman huañurca.