2 SAMUEL 24:11 - Dios Rimashcata Quillcashcami

¹¹ David tutamanta utca jataricpimi, Dios ima nishcata huillac Gad Davidpacman shamushpaca:

2 SAMUEL 24:11 Referans Kwoze

1 SAMUEL 22:5

Shina causacucpimi, Diosmanta huillac Gadca Davidtaca: —Pircashca huashapica ama tiyacuichu. Chaimanta rishpa Judá llactapi yaicugri— nirca. Shina nicpimi, Davidca jatarishpa Haret sachaman rirca.

1 SAMUEL 9:9

Ñaupa punzhacunaca Israel llactapi maijanpish Diosman imata tapusha nishpaca: «Dios ricuchishcata huillac runaman jacuchic tapushun» nicmi carca. Chashna huillac runallatatacmi cunan punzhacunaca Dios ima nishcata huillac nincuna.

1 CRÓNICAS 29:29

Jatun mandac David callarimanta tucuricaman imata ruhuashcacunaca Dios ricuchishcata huillac Samuel quillcashcapi, Dios ima nishcata huillac Natán quillcashcapi, Dios ricuchishcata huillac Gad quillcashcapimi tiyacun.

1 CRÓNICAS 2:19

Azuba huañucpica, Efrata huarmihuanmi Calebca cazararca. Chai huarmimi Hur cari huahuata charirca.

2 SAMUEL 24:12

«Mandac Diosca: Davidpacman rishpa: “Quimsa llaquicunatami canman acllachun cuni. Chaicunamanta maijan shucta acllai” ninmi ningui» nirca.

1 CRÓNICAS 21:9

Shina mañacpimi, Mandac Diosca ricuchishcata Davidman huillac Gadtaca:

1 CRÓNICAS 25:5

Tucui paicunami Dios ricuchishcata jatun mandacman huillac, shinallatac Diosta jatunyachishpa cantac Hemanpac churicuna carca. Diosca Hemanmanca chunga chuscu churita, quimsa ushitami curca.

2 CRÓNICAS 29:25

Jatun mandac David, Dios ricuchishcata huillac Gad, Natán mandashca shinami, levitacunataca Mandac Diospac huasipi salteriocunapi, arpacunapi, cimbalocunapi tocachun churarca. Chaitaca Mandac Diosmi pai ima nishcata huillaccunata huillachishca carca.

2 SAMUEL 12:1

Mandac Dios Natanta Davidpacman cachacpi, pai rimashpaca: —Shuc pueblopimi, ishcai runacuna tiyarca. Shucca chayuc, cutin caishucca huacchami carca.