2 SAMUEL 23:3 - Dios Rimashcata Quillcashcami

³ Israelcunapac Diosmi rimarca. Israelcunapac sinchi rumi shina Diosca: “Cashcata ruhuashpa, llactata mandacmi tiyanga. Paica Diosta mañashpami allita mandanga.

2 SAMUEL 23:3 Referans Kwoze

2 SAMUEL 22:32

Shinashpaca ¿Mandac Diospac randi shuctac Dios tiyanchu? ¿Ñucanchic Diospac randi rumi shina shuctac Dios tiyanchu?

DEUTERONOMIO 32:4

Paica jatun Rumi shina Diosmi. Paipac ruhuashcaca tucui allimi. Pai ruhuashcaca allita ruhuashcami. Paica cashcata nic Diosmi. Paipica ima mana allica mana tiyanchu. Paica cashcata ruhuacmi.

ÉXODO 18:21

Israelcunapuramanta Diostapish manchac, cashcata ruhuac, cullquita japinata mana yalli munac runacunata acllai. Paicunamanta shuccunataca huaranga runata, shuccunataca patsac runata, shuccunataca pichca chunga runata, shuccunataca chunga runata ricuchun churai.

HEBREOS 1:8

Ashtahuanpish paipac Churimantaca: “Canca huiñai huiñaita Mandac Diosmi cangui. Shinallatac cashcata ruhuashpami mandangui.

ZACARÍAS 9:9

¡Sionpi causaccunalla, yallita cushicuichicyari! Jerusalenpi causaccunalla, cushicushpa caparichicyari. Riquichic, cancunata jatun mandacca mama burropac huahua maltón burritopimi cancunapacman shamunga. Paica cashcata ruhuac, quishpichic, cuyac shungumi canga.

SALMOS 72:2

Paimi can acllashcacunata cashcata ricushpa mandanga. Huacchacunamanpish allitami ruhuanga.

SALMOS 42:9

Ñuca Diostaca: «Ñuca miticuna jatun rumimi cangui. ¿Imamantatac ñucata cungaringuiyari? ¿Imamantatac piñaccuna llaquichicpi, duelo churanahuan puricushayari?» ninimi.

GÉNESIS 33:20

Chaipimi shuc altarta shayachishpa, EL-Elohe-Israelta shutichirca.

JEREMÍAS 23:5

Shamuc punzhacunapica Davidpac huahua huahuapuramantami cashcata ruhuac mandacta churasha. Paica Jatun Mandacmi. Allita mandashpami, cai pachapica imatapish alli ricushpa, cashcata ruhuashpa mandanga.

ISAÍAS 32:1

Shamuc punzhapica cashcata ruhuac jatun mandacmi mandanga. Shinallatac alli ricushpa, mandaccunapish tiyangami.

PROVERBIOS 31:9

Cambac shimihuan rimarishpa cashcata ruhuashpa taripaiyari. Huacchacunatapish, imata mana chariccunatapish misaiyari.

SALMOS 110:2

Mandac Diosca can mandana varataca Sión pueblomantami cachanga. Canta piñaccunapac chaupipimi mandanga.

NEHEMÍAS 5:14

Jatun mandac Artajerjes ishcai chunga huatata mandacushpa ñucata Judá llactata mandac cachun churashcamanta pacha, quimsa chunga ishcai huatata mandangacamanmi, chai chunga ishcai huatapica ñucapish, ñuca llacta huauquicunapish mandaccuna japina cashcataca mana japishpa causarcanchic.

ÉXODO 20:2

«Ñucaca Mandac Diosmi cani. Ñucami cancunataca Egipto llactapi huatashca shina llaquita causacushcamanta llucchircani.

ÉXODO 3:15

Cutinllatac Diosca Moisestaca: —Israelcunataca: “Cancunapac ñaupa taita Abrahampac, Isaacpac, Jacobopac Mandac Diosmi cancunapacmanca cacharca” ningui. Cai shutica huiñaipacmi can. Cai shutitami huiñaita ricsinga.

1 REYES 10:9

Canta Mandac Diosca alli nishca cachun. Paica canta alli nishpami, israelcunata mandashpa tiyarinapi churashca. Mandac Diosca israelcunata cuyashpami, cantaca jatun mandac cachun churarca. Tucuipac allita, imatapish cashcata ruhuashpa mandachunmi churarca» nirca.

JOB 34:17

¿Cashcata ruhuanata Dios piñashpaca mana mandai pudinmanchu? ¿Tucuita ruhuac, cashcata ruhuac Diostaca llaquipi churanguimanchu?

SALMOS 72:1

Dioslla, cashcata ruhuanata jatun mandacman yachachiyari. Paipac churimanpish allita mandanata yachachiyari.

2 SAMUEL 8:15

Davidca tucui israelcunatami mandacurca. Paica allita ruhuashpami, imatapish cashcata ruhuashpa mandacurca.