2 SAMUEL 22:48 - Dios Rimashcata Quillcashcami

⁴⁸ Ñucata llaquichishca shinallatac llaquichicmi. Gentecunataca ñucata cazuchunmi, ñuca chaqui ucupi churan.

2 SAMUEL 22:48 Referans Kwoze

SALMOS 144:2

Paica ñucata llaquicpish, ñucata cuidac, ñuca miticuna jatun torre shinami can. Ñuca quishpichicmi, ñucata pacac escudomi. Paipimi ñuca shunguta churani. Paimi pueblocunapi causaccunataca ñuca mandachun cun.

SALMOS 94:1

Mandac Dioslla, ima shina llaquichishca shinallatac llaquichic Diosmi cangui. Ima shina llaquichishca shinallatac llaquichishpa ricuchiyari.

1 CORINTIOS 15:25

Cristoca paita piñaccunata paipac chaqui sarunapi Dios churangacamanmi, paillatac mandana can.

SALMOS 110:1

Mandac Diosmi ñucata Mandactaca: «Canta piñaccunata cambac chaqui sarunapi churangacaman ñuca ladopi tiyari» nirca.

2 SAMUEL 18:31

Chai quipami etiope runa chayashpaca: —Ñuca jatun mandaclla, alli huillaihuanmi shamuni. Cunanmi Mandac Diosca canta llaquichisha niccunapac maquimanta quishpichishca— nirca.

2 SAMUEL 18:19

Chai quipami Sadocpac churi Ahimaasca: —Ñucanchicta piñaccunapac maquimanta Mandac Dios ima shina cacharichishcata jatun mandacman huillangapac callpagrinimi— nirca.

1 SAMUEL 25:39

Nabal huañushcata David yachashpaca: «¡Mandac Diosca alli nishca cachun! ¡Nabaltaca ñucata rimashpa pingaichishcamantami llaquichishca! ¡Mandac Diosmi paita servic ñuca mana allita ruhuanamantaca jarcarca! ¡Mandac Diosllatacmi, Nabal mana allita ruhuashcamantaca paillatatac llaquichirca!» nirca. Chai quipami Davidca Abigaíl huarmihuan cazarangapac rimachun cacharca.

1 SAMUEL 25:30

Mandac Dios ñuca mandacman pactachishami nishcata pactachishpa, israelcunata mandachun churashpaca,

1 SAMUEL 24:12

Cantapish, ñucatapish Mandac Diosllatac ricuchun. Ñucata can llaquichishcamantaca Mandac Diosllatac llaquichichun. Ashtahuanpish ñuca poderhuanca mana llaquichishachu.

2 SAMUEL 4:8

Is-bosetpac umataca jatun mandac Davidman cungapacmi Hebrón puebloman aparca. Ña chayashpaca: —¡Riqui, canta piñashpa huañuchisha nishpa puric Saulpac churi Is-bosetpac umatami pitishpa, canman cungapac apamunchic! Cunanca Mandac Diosca can jatun mandacta llaquishcamantami Saultapish, paipac huahua huahuacunatapish chashnallatac llaquichishca— nirca.

DEUTERONOMIO 32:35

Ima shina llaquichina cashca shina, llaquichinapish ñucapacmi. Ima punzha pactacpimi, chaqui lluchcaric shina urmanga. Paicuna chingarinaca ñami pactamucun. Paicunaman allichishcapish ñami chayamucun.