2 SAMUEL 22:40 - Dios Rimashcata Quillcashcami

⁴⁰ Macanacuiman ricpica, alli chumbillic shinami, sinchita ruhuarcangui. Ñucata piñaccunataca ñuca chaqui ucupimi cumurichircangui.

2 SAMUEL 22:40 Referans Kwoze

SALMOS 44:5

Can ayudacpimi, ñucanchicta piñaccunataca mishashun. Cambac shutipimi ñucanchicta piñaccunataca sarushun.

COLOSENSES 1:11

Dios paipac sumaimana poderhuan cancunata sinchiyachichunmi, paiman mañacunchic. Shina cacpimi, cancunaca ima llaquita apashpapish mana piñarishpa,

ISAÍAS 60:14

Llaquichiccunapac churicunaca cambac ñaupaman shamushpami cumuringa. Tucui canta millanayachiccunami cambac chaqui ñaupapi cunguringa. Paicunami “Israelcunapac jucha illac Mandac Dios causana Sión llacta” ninga.

SALMOS 18:39

Chumbillichic shina fuerzata cushpami jatun macanacuipipish mishachingui. Ñucata piñaccunataca ñuca chaqui ucupimi churangui.

APOCALIPSIS 5:9

Shinallatac shuc mushuc cantota cantashpaca: «Canllami sellota churashcacunata anchuchishpa, pillushca pangata pascaipac cangui. Canca huañushpami, Diospac cachun tucui aillucunamantapish, tucuilaya rimaita rimaccunamantapish, tucui llactacunamantapish, tucuilaya gentecunamantapish cambac yahuarhuan randishpa tandachishcangui.

ISAÍAS 45:5

Ñucallami Mandac Diosca cani. Shuctac Diosca mana tiyanchu. Ñucamanta shuctac Diosca mana tiyanchu. Can ñucata mana ricsicpipish, ñucami alli chumbillichic shina sinchiyachircani.

SALMOS 144:2

Paica ñucata llaquicpish, ñucata cuidac, ñuca miticuna jatun torre shinami can. Ñuca quishpichicmi, ñucata pacac escudomi. Paipimi ñuca shunguta churani. Paimi pueblocunapi causaccunataca ñuca mandachun cun.

SALMOS 18:32

Diosmi alli chumbillichic shina fuerzata cun. Paimi ñucataca mana pandarishpa causachun cuidan.

1 SAMUEL 23:5

Shina nicpimi, Davidca paipac runacunahuan Keila puebloman rishpa, filisteocunataca macashpa tucuita atirca. Chashna atishpami, paicunapac animalcunatapish quichushpa Keila pueblopi causaccunataca quishpichirca.

SALMOS 109:19

Shinallatac churanahuan pillurishca shina, chumbihuan chumbillishca shina cachun.