2 SAMUEL 22:36 - Dios Rimashcata Quillcashcami

³⁶ Quishpirina escudotami ñucaman curcangui. Cambac cuyaihuanmi ñucata jatunyachishcangui.

2 SAMUEL 22:36 Referans Kwoze

EFESIOS 6:16

Tucuimanta yallica, millai diablo cachashca nina shina yuyaicunata jarcaringapacca Diosta crishpa, escudota churarishca shina caichic.

SALMOS 115:14

Mandac Diosmi cancunataca yallita bendicianga. Cancunatapish, cancunapac huahua huahuacunatapish, bendiciangami.

SALMOS 84:11

Mandac Diosca ñucanchicta achicyachic inti, ñucanchicta jarcac escudomi. Mandac Diosca mana pandarishpa causaccunataca cuyashpami allipi churan.

SALMOS 18:35

Canmi, cambac alli maquihuan ñucata allipi churashpa escudo shina jarcashpa quishpichingui.

GÉNESIS 22:17

yallita bendiciashpami, cambac huahua huahuacunataca jahua pacha lucerocuna shina, mama cucha tiyu shinata mirachisha. Chashnallatac paicunata piñaccunataca mishacungallami.

GÉNESIS 15:1

Chai quipa, Mandac Dios Abramman muscuipi shina ricurishpaca: —Abram ama manchaichu, ñucami escudo shina, canta jarcac cani. Sumac japinatami japingui— nirca.

GÉNESIS 12:2

Cambac huahua huahuacunataca shuc jatun llactatami ruhuasha. Canta bendiciashpami, cambac shutitapish tucuipac alli nishcata ruhuasha. Canmantami bendiciashca cangacuna.

EFESIOS 6:17

Umata jarcachun cascota umapi churarishca shina, quishpirishca cashcataca yuyaichic. Shinallatac Diospac Espíritu cushca Dios rimashca shimitaca espadata shinata charichic.