2 SAMUEL 22:33 - Dios Rimashcata Quillcashcami

³³ Diosmi alli chumbillishca shinata ruhuashpa sinchiyachin. Paimi ñuca purina ñanmantapish ima jucha illacta ruhuan.

2 SAMUEL 22:33 Referans Kwoze

EFESIOS 6:10

Chaimanta cunanca Apunchic Jesus-huan shuclla cashcamanta, pai imatapish ruhuaclla cashcahuan sinchi tucuichic.

SALMOS 27:1

Mandac Diosca ñucata achicyachic luzmi. Shinallatac ñucata quishpichicmi. Chaimantaca ¿pitatac manchashayari? Mandac Diosca ñuca causaipacca jarcarina jatun pirca shinami. Chaimantaca ¿pitatac manchashayari?

FILIPENSES 4:13

Imatapish ruhuaclla Cristohuanca tucui imatapish ruhuai pudini.

ISAÍAS 41:10

Ñucaca cancunahuanmi cani. Chaimanta ama manchaichicchu. Ñucaca cancunapac Diosmi cani. Chaimanta ama manchaichicchu. Ñucaca cashcata ruhuashpami cancunapac tucui causaipi ayudasha.

HEBREOS 13:21

Chai Diosllatac pai munashca shina allicunata ruhuachichun, cancunata yachachichun, Jesucristomanta tucui ñucanchicta paipac allipac ruhuachichun. ¡Apunchic Jesusca huiñai huiñaita alli nishca, sumaimana nishca cachun! Chashna cachun.

2 CORINTIOS 12:9

Shina mañacpipish Apunchic Jesusca: «Chashna llaquicunata apacushpapish, ñuca cuyashcamantaca cushicuilla. Ñuca imatapish ruhuaclla cashcaca, can imatapish mana ruhuaipac cacpimi alli ricurin» nircami. Chaimanta Cristo imatapish ruhuaclla cashca ñucapi ricurichunmi, ñucaca imatapish mana ruhuaipaclaya canata munani.

ZACARÍAS 10:12

Mandac Dios ñucami paicunataca sinchiyachisha. Chaimantami ñuca shutita mañashpa puringa» ninmi.

SALMOS 119:1

Mandac Dios mandashcacunata cazushpa, ima millaitapish mana ruhuashpa causaccunaca maimi cushicun.

SALMOS 46:1

Diosca muyundita jatun pircashca shina ñucanchicta cuidashpa huacaichicmi. Shinallatac llaquihuan cacpipish, utca ayudacmi.

2 SAMUEL 22:2

cantashpaca: «Mandac Diosca ñucapac rumi shinami, ñucaman fuerzata cucpish, quishpichicpish canmi.

ÉXODO 15:2

Mandac Diosca ñucata sinchiyachicmi. Ñuca cantana Diosmi. Paimi ñucata quishpichirca. ¡Paimi ñuca Dios, paitami cantasha! ¡Paimi ñuca taitapac Dios! ¡Paitami jatunyachisha!

SALMOS 101:6

Ñuca ladopi causachunca cai pachapi alli causaccunatami ricusha. Ima millaita mana ruhuashpa causacmi ñucata servinga.

SALMOS 18:32

Diosmi alli chumbillichic shina fuerzata cun. Paimi ñucataca mana pandarishpa causachun cuidan.

JOB 22:3

Can cashcata ruhuac cashcamantaca, ¿tucuita ruhuac Diosca cushicungachu? Can ima pandata mana ruhuac cashcamantaca, ¿ima allita japingachu?

DEUTERONOMIO 18:13

Mandac Diospac ñaupapica imapipish ama pandaringuichicchu.

SALMOS 101:2

Allita causanatami yachacusha. ¿Ima horastac ñucapacmanca shamugringui? Ñuca mandana huasipica allita ruhuanata shungupi yuyarishpami purisha.

SALMOS 32:8

Canmi: «Allita entendichishpa yachachishpa can purina ñanta ricuchisha. Ñuca ñahuihuanmi cantaca ricurasha.