2 SAMUEL 22:31 - Dios Rimashcata Quillcashcami

³¹ Mandac Diospac ñanca jucha illacmi. Mandac Dios rimashcaca, pipish mana juchanchipacmi. Paipi shunguta churaccunapacca jarcarina escudomi.

2 SAMUEL 22:31 Referans Kwoze

DEUTERONOMIO 32:4

Paica jatun Rumi shina Diosmi. Paipac ruhuashcaca tucui allimi. Pai ruhuashcaca allita ruhuashcami. Paica cashcata nic Diosmi. Paipica ima mana allica mana tiyanchu. Paica cashcata ruhuacmi.

PROVERBIOS 30:5

Mandac Dios rimashca shimicunaca jucha illacmi. Diosca paipi shunguta churaccunapac jarcarina escudomi.

SALMOS 18:30

Dios ruhuashcacunapica ima pandai mana tiyanchu. Paipac rimashca shimicunapish rupachishca cullqui shina tucui mapa illacmi. Canpi jarcariccunapacca escudo shinami cangui.

SAN MATEO 5:48

Jahua pacha Dios ima shinami allita can, chashnallatac cancunapish allita caichic.

SALMOS 119:140

Cambac rimashcacunaca chuyami. Chaimantami canta servic ñucaca cuyani.

SALMOS 12:6

Mandac Diospac shimicunaca hornopi canchis cutin rupachishpa tucui mapata anchuchishca chuya cullqui shina mapa illacmi.

2 SAMUEL 22:3

Ñuca jarcarina rumi shinami. Ñuca jarcarina escudomi. Jatun poderhuan quishpichicmi. Tucuimanta yalli jahuaman cac, ñuca miticunami. Llaquichiccunamantami quishpichircangui.

SALMOS 35:2

Jatun escudotapish, uchilla escudotapish japishpa, ñucata ayudangapac shamuiyari.

SALMOS 91:4

Paipac plumahuan pacashpami, paipac alas ucupi cuidashpa charinga. Cashcata nic cashcahuanmi escudo shina, fierro churana shina huacaichinga.

SALMOS 84:9

Ñucanchic escudo shina Dioslla, aceitehuan cahuishca cambac jatun mandactaca ricuraiyari.

APOCALIPSIS 15:3

Chaipica Diospacta ruhuac Moisespac cantota, shinallatac Pactalla Ovejapac cantotapish cashna nishpami cantacurcacuna: «¡Tucui imatapish ruhuac Mandac Dioslla! Can tucui ima ruhuashcacunaca sumaimana jatunmi. ¡Tucui llactacunata Mandac Dioslla! Canca imatapish allita, shinallatac imapish cashcallatami ruhuangui.

DANIEL 4:37

Cunanca Nabucodonosor ñucaca jahua pachata jatun Mandacta “sumaimana cangui” nishpami alli nini. Tucui pai ruhuashcaca pai nic cashcata, ruhuac cashcatami ricuchin. Jatun tucushca gentecunatapish cumurichinmi.

SALMOS 2:7

Mandac Dios cushca mandashcataca huillashami. Pai ñucata rimashpaca: «Canca ñuca churimi cangui. Cunanmi canmanca causaita cuni.

NEHEMÍAS 9:8

Abrahampac shungutaca canhuan alli cashcatami ricurcangui. Cananeocunapac, heteocunapac, amorreocunapac, ferezeocunapac, jebuseocunapac, gergeseocunapac llactata, paipac huahua huahuacunaman cungapacmi paihuan ari nircangui. Canca cashcatac ruhuac cashpami chaitaca pactachircangui.

JOB 34:10

Chaimanta alli yuyaita chariccuna caita alli uyaichic. ¡Mana allita ruhuana munaica Diosmanta carupi cachun! ¡Millaita ruhuanapish tucuita ruhuac Diosmanta carupi cachun!

SALMOS 145:17

Mandac Diosca, tucui causaipimi cashcata ruhuan. Imata ruhuashpapish llaquic cashcatami ricuchin.

ECLESIASTÉS 3:14

Tucuita Dios ruhuashcaca huiñaipac cashcatami yachani. Pai ruhuashcacunataca imata mana yapachina, imata mana anchuchinachu. Diosca, gentecuna paipac ñaupapi manchachunmi ruhuashca.

DANIEL 4:34

Chai nishca punzhacuna pactacpimi, Nabucodonosor ñucaca jahua pachata huichailla ricurcani. Chashna ricushpami, cutin yuyaita japircani. Chaimantami jahua pachapi huiñaita causac Diostaca: “Huahua huahuacunata jatun mandac, sumaimanami cangui nishpa alli nircani.