2 SAMUEL 22:29 - Dios Rimashcata Quillcashcami

²⁹ Mandac Dioslla, ñucata achicyachic luzmi cangui. Ñuca Diosmi ñuca pura tutatapish achicyachin.

2 SAMUEL 22:29 Referans Kwoze

SALMOS 27:1

Mandac Diosca ñucata achicyachic luzmi. Shinallatac ñucata quishpichicmi. Chaimantaca ¿pitatac manchashayari? Mandac Diosca ñuca causaipacca jarcarina jatun pirca shinami. Chaimantaca ¿pitatac manchashayari?

SAN JUAN 8:12

Cutinllatac Jesusca israelcunataca: —Ñucami tucui cai pachapi causaccunapac achicyachic luz cani. Maijanpish ñucata caticca mana amsapi puringachu, ashtahuanpish causaita cuc luztami charinga— nirca.

APOCALIPSIS 21:23

Chai pueblotaca Dios pai sumaimana cashcahuan, shinallatac Pactalla Oveja lámpara shina achicyachicucpimi, intipish, quillapish achicyachingapacca mana tiyana carca.

JOB 29:3

Paipac achic-huan ñucata achicyachicpimi, amsa cacpipish mana manchashpa, puric carcani.

SAN JUAN 12:46

Maijanpish ñucata cricca ama amsapi cachunmi, ñucaca achicyachic luz shina cai pachaman shamurcani.

MIQUEAS 7:9

Ñuca juchata ruhuashcamantami Mandac Diosca piñarirca. Chaimanta cunanca, pai taripashpa, cashcata ruhuangacaman pai llaquichishcataca apacushallami. Paimi ñucataca achic luzman llucchinga. Chashna llucchicpica, pai cashcata ruhuac cashcatami ricusha.

SALMOS 112:4

Paica llaquicmi, caracmi, cashcata ruhuacmi. Cashcata ruhuaccunapacca amsapi luz achicyachicuc shinami.

ISAÍAS 50:10

Cancunapuramantaca, ¿pitac Mandac Diosta manchashpa, paita servic huillashcatapish uyaccuna canguichic? Luz illac cashcamanta amsa purapi puricushpaca Mandac Diospac shutipi shunguta churaichic. Paipac maquipi chariraichic.

SALMOS 97:11

Cashcata ruhuaccunapacca luzca tarpushca shinami tiyacun. Shungupi millai yuyaita mana chariccunapacca cushicunaca tarpushca shinami tiyacun.

SALMOS 84:11

Mandac Diosca ñucanchicta achicyachic inti, ñucanchicta jarcac escudomi. Mandac Diosca mana pandarishpa causaccunataca cuyashpami allipi churan.

SALMOS 18:28

Mandac Dioslla, canmi ñuca lamparataca japichishpa charingui. Ñucata Mandac Dios canmi amsapi cacpipish achicyachingui.

SALMOS 4:6

Taucacuna rimashpaca: «¿Pitac allita ruhuashpa ricuchingayari?» nincunami. Mandac Dioslla, cambac ñahuihuan ñucanchicta achicyachiyari.

2 SAMUEL 21:17

Ashtahuanpish Sarviapac churi Abisaimi Davidta misashpa, chai runata chugrichishpa huañuchirca. Chaimantami Davidpac runacunaca paitaca: «Cunanmanta pacha ñucanchic-huan macanacungapacca ña mana llucshinguichu. Canta huañuchishpaca, israelcunapac mecha shinami huañushca canga» nirca.

MALAQUÍAS 4:2

Ashtahuanpish ñuca shutita manchac cancunamanca cashcata ruhuac intimi llucshinga. Paipac alascunapimi quishpirinataca apamunga. Chaimantami becicuna chuchushca quipa saltashpa llucshic shina saltanguichic.

1 REYES 11:36

Salomonpac churi mandachunca shuc aillullatami cusha. Ñucata servic Davidpac huahua huahuacunataca lámpara shina mana huañuc punzhanta cachunmi Jerusalenpi mandachun saquigrini. Chai pueblotaca ñuca shutipi mañachunmi acllarcani.