2 SAMUEL 22:24 - Dios Rimashcata Quillcashcami

²⁴ Paipac ñaupapica allitami ruhuarcani. Millaita mana ruhuangapacmi cuidarircani.

2 SAMUEL 22:24 Referans Kwoze

GÉNESIS 6:9

Chai punzhacunapi causaccunapuramantaca Noemi cashcata ruhuac, ima millaita mana ruhuac shinallatac Dios munashca shina causac carca. Noepac huahua huahuacunaca:

JOB 1:1

Uz llactapimi Job shuti shuc runa causarca. Paica cashcata ruhuac, pi mana juchanchipac, Diostapish manchac, millaita ruhuanamanta anchurishcami carca.

GÉNESIS 17:1

Abram iscun chunga iscun huatayuc cacpimi, Dios ricurishpaca: —Ñucami tucui imatapish ruhuaclla Diosca cani. Imatapish allita ruhuashpa, ñuca ñaupapi purilla.

HEBREOS 12:1

Chaimanta ñucanchic muyundipi crinamanta huillaccuna puyu shina tiyashcamantaca, ima jarcaccunatapish, pandachic juchacunatapish saquishpa, ñucanchic chayana cashcaman cushicushpa rishunchiclla.

EFESIOS 1:4

Diosca paipac cuyaimantami manarac cai pachata ruhuashpa, ñucanchictaca jucha illac paipac ñaupapi paipaclla cachun acllashca.

2 CORINTIOS 5:11

Apunchic Jesustaca manchana cashcata yachashpami, gentecuna Dios-huan alli tucuchun nishpa huillacunchic. Ñucanchic ima shina cashcataca Diosca allimi yachan. Chaitaca cancunapish yachachunmi munani.

SAN JUAN 1:47

Jesús, Natanael cuchuyacta ricushpaca: —Israel runatacmi shamushpa caipi can. Paica jaicapi mana llullanchu— nirca.

PROVERBIOS 4:23

Tucuimanta yallica cambac shunguta cuidangui. Shungumantami causaica tiyan.

SALMOS 84:11

Mandac Diosca ñucanchicta achicyachic inti, ñucanchicta jarcac escudomi. Mandac Diosca mana pandarishpa causaccunataca cuyashpami allipi churan.

SALMOS 51:6

Canca imatapish cashcata nictami cuyangui. Pacallami ñuca shungupi allita yachachishcangui.

COLOSENSES 1:21

Cancunaca ñaupaca mana allita ruhuashcamantami, Diosmanta caruyashpa, cancunapac shungupica Diosta piñaccuna carcanguichic.

COLOSENSES 1:22

Shina cacpipish cunanca Cristo runa tucushpa, llaquita apashpa huañushcamantami, Diosca cancunata paihuan alli tucuchun chasquirca. Chashnami cancunataca paipac ñaupapi paipaclla cachun, jucha illac cachun, shinallatac chuyayachishca cachunpish chashnaca ruhuarca.

GÉNESIS 7:1

Mandac Diosca Noetaca: «Cai tucui gentecunamantaca canllami allita ruhuashpa causashcangui. Chaimanta canpish, tucui familiacunapish huambuc huasiman yaicuichic.

SALMOS 17:1

Mandac Dioslla, uyaiyari. Ñucaca cashcallatami mañani. Ñuca caparishpa mañashcata uyaiyari. Cai mañashcacunaca mana llullachu.