2 SAMUEL 20:22 - Dios Rimashcata Quillcashcami

²² Chai huarmica yuyaisapa cashpami tucui genteta ari nichishpa, Bicripac churi Sebapac umata pitishpa, Joabpac ñaupapi shitarca. Chaita ricushpa Joab cornetapi tocacpimi, tucui gentecuna quiquin huasicunaman cutirca. Cutin Joabca Jerusalenmanmi jatun mandacpacman cutirca.

2 SAMUEL 20:22 Referans Kwoze

ECLESIASTÉS 7:19

Alli yachac runataca pai yachacushcami, shuc pueblopi causac chunga mandaccunatapish yalli sinchiyachinga.

2 SAMUEL 20:1

Benjaminpac aillupuramanta Bicripac churi millaita ruhuac Sebami chaipi carca. Pai cornetapi tocashpa rimarishpaca: «¡Ñucanchicca Isaipac churi Davidmantaca ima ricunata, ima japinata mana charinchicchu! ¡Israelcuna cancunapac huasicunaman richiclla!» nirca.

ECLESIASTÉS 8:11

Huañuclla runacunaca paicuna mana allita ruhuashcamanta mana utca llaquichicpica, ashtahuan mana allita ruhuanatami yuyarincuna.

2 SAMUEL 20:16

Chashna ruhuai callaricpimi, chai pueblomanta yuyaisapa huarmi llucshishpaca: —¡Uyaichic! ¡Uyaichic! Joabtaca: Ñucahuan parlangapac caiman shamuchun nichic— nirca.

2 SAMUEL 18:16

Shina huañuchicpimi, Joabca israelcunata ama llaquichishpa catichun cornetapi tocarca. Chaita uyashpami, israelcunata llaquichinata saquirca.

2 SAMUEL 2:28

Chai quipami Joabca paipac soldadocunataca cornetapi tocashpa, ama ashtahuan catichun jarcachirca. Chaipica ña mana ashtahuan macanacurcacunachu.

2 SAMUEL 18:17

Chai quipaca, Absalonpac cuerpota japishpami, chai sachapi tiyac jutcupi shitashpa, chai jahuapica jatun rumi montonta ruhuarca. Chai quipaca, israelcunaca tucuimi quiquin carpa huasicunaman miticushpa callparca.