2 SAMUEL 20:1 - Dios Rimashcata Quillcashcami

¹ Benjaminpac aillupuramanta Bicripac churi millaita ruhuac Sebami chaipi carca. Pai cornetapi tocashpa rimarishpaca: «¡Ñucanchicca Isaipac churi Davidmantaca ima ricunata, ima japinata mana charinchicchu! ¡Israelcuna cancunapac huasicunaman richiclla!» nirca.

2 SAMUEL 20:1 Referans Kwoze

1 REYES 12:16

Tucui israelcunaca paicuna mañashcata jatun mandac mana uyasha nicpica: «Davidmantaca, ¿imatatac ñucanchicca charinchic? ¿Israelpac churimantaca, ima japinatatac charinchic? ¡Israelcuna cancunapac, carpa huasicunaman richiclla! ¡David cunanca, cambac huasi ucupurata ricuilla!» nirca. Shina nishpami, israelcunaca paicunapac carpa huasicunaman rircacuna.

2 CRÓNICAS 10:16

Tucui israelcunaca paicuna mañashcata jatun mandac mana uyasha nicpimi: «Davidmantaca, ¿imatatac ñucanchicca charinchic? ¿Isaipac churimantaca ima japinatatac charinchic? ¡Israelcuna, cancunapac carpa huasicunaman richiclla! ¡David cunanca cambac huasi ucupurata cuidanguilla!» nirca. Shina nicpimi, israelcunaca paicunapac carpa huasicunaman rircacuna.

DEUTERONOMIO 13:13

Diosta mana manchac maijan runacunami cancunapac chaupimanta llucchishpa, cancunapac llactapi causaccunataca: “Cancuna mana ricsishca shuctac dioscunata jacuchic servishun” nicun nishcami uyaringa.

SAN LUCAS 19:27

Cutin, ñucata piñashpa mana mandac cachun munaccunataca apamushpa, ñuca ñaupapi huañuchichic” nircami» nirca.

SAN LUCAS 19:14

Pai ña ricpica, chai llacta gentecuna paita piñashpa: “Cai runa ñucanchicta mandachunca, mana munanchicchu” nichun, huillaccunata quipata cacharca.

PROVERBIOS 26:21

Carbonca brazasta ruhuangapacmi. Yantaca rupachingapacmi. Piñarishpa rimaric runaca piñanacuitami callarichin.

PROVERBIOS 25:8

Imatapish ricushpaca ama tigrai juezcunaman huillangapac ringuichu. Pacta shuctac huillac mana chashnachu nishpa canta pingaichinman.

SALMOS 34:19

Cashcata ruhuactaca achca llaquimi japin. Shina cacpipish, Mandac Diosmi tucui llaquimanta llucchinga.

SALMOS 17:13

¡Mandac Dioslla jatariyari! ¡Paicunahuan shayarishpa, paicunata cungurichiyari! Millai gentecunapac maquimanta cambac espadahuan quishpichiyari.

2 CRÓNICAS 10:6

Chai quipami jatun mandac Roboamca paipac taita Salomón causacucpi, servishpa causacushca pushac yuyaccunaman yuyaita cuchun mañashpaca: —Cai gentecuna cashna nishcamantaca ¿Ima nishpatac cutichina alli canga?— nirca.

2 SAMUEL 23:6

Ashtahuanpish millaita ruhuaccunaca cashata shitashca shinami. Chaicunataca maquihuanca, pipish mana japinchu.

2 SAMUEL 15:10

Ashtahuanpish Absalonca chai punzhallatac tucui Israel aillucunapacman huillaicunata cachashpaca: «Corneta tocashca uyaricpica: “Cai Hebrón pueblopica Absalontami mandac cachun acllashca” nichun yachachinguichic» nirca.

1 SAMUEL 30:22

Ashtahuanpish Davidhuan macanacuiman rishcapuracunamanta mana allita ruhuac millai runacunaca: «Cai runacuna ñucanchic-huan macanacuiman mana rishcamantaca ñucanchic quichumushcataca mana cushunchu. Ashtahuanpish paicunapac huarmicunata, huahuacunallatami cushun. Chaita chasquishpa paicunapac huasiman richun» nirca.

1 SAMUEL 2:12

Elipac churicunaca Diosta mana manchaccuna cashpami, Mandac Diosmantaca imatapish mana yacharca.

JUECES 19:22

Chashna cushilla cacpimi chai pueblopi causac millai runacuna chai huasita muyunacushpa pungupi huactashpa chai yuyac runataca: —¡Cambac huasipi pozashpa tiyaccunahuan chayarinacungapac canzhaman llucchi!— nirca.

JUECES 3:27

Aod chaiman yaicushpaca Efrainpac urcupimi cornetapi tocarca. Chashna tocacpimi, israelcunaca Aodhuan urcumanta urai shamurca. Paica israelcunata ñaupashpami shamurca.

SAN JUAN 13:8

Shina nicpimi Pedroca: —¡Jaicapi ñuca chaquita jahuachun, mana saquishachu!— nirca. Shina nicpimi Jesusca: —Cambac chaquita ñuca jahuachun, mana saquishpaca, mana ñuca yachacucchu cangui— nirca.

GÉNESIS 46:21

Benjaminpac huahuacunaca: Bela, Bequer, Asbel, Gera, Naamán, Ehi, Ros, Mupim, Hupim, Ardmi.

1 SAMUEL 13:2

israelpuramantaca quimsa huaranga macanacuc runacunata acllarca. Chaicunamantaca ishcai huarangaca Saulhuanmi Micmas pueblopipish, Bet-el urcupipish carcacuna. Cutin shuc huarangaca Benjamín llacta Gabaa pueblopimi Jonatanhuan carcacuna. Shina acllashca quipami caishuc runacunataca paicunapac carpa huasicunaman cacharca.

2 SAMUEL 16:7

Simei maldiciashpaca: «¡Huañuchic millai runa caimanta llucshi!

2 SAMUEL 18:17

Chai quipaca, Absalonpac cuerpota japishpami, chai sachapi tiyac jutcupi shitashpa, chai jahuapica jatun rumi montonta ruhuarca. Chai quipaca, israelcunaca tucuimi quiquin carpa huasicunaman miticushpa callparca.

2 SAMUEL 20:2

Chashnami israelcunaca jatun mandac Davidmanta raquirishpa, Bicripac churi Sebata catishpa rirca. Ashtahuanpish Judá gentecunaca Jordán yacumanta Jerusalén pueblomanca tucui shunguhuanmi jatun mandacta catirca.

2 SAMUEL 20:22

Chai huarmica yuyaisapa cashpami tucui genteta ari nichishpa, Bicripac churi Sebapac umata pitishpa, Joabpac ñaupapi shitarca. Chaita ricushpa Joab cornetapi tocacpimi, tucui gentecuna quiquin huasicunaman cutirca. Cutin Joabca Jerusalenmanmi jatun mandacpacman cutirca.

1 REYES 21:10

Chai quipaca: “Diostapish, jatun mandactapish, mana alli nishpami rimarcangui” nishpa, juchanchishpa huillachun ishcai millai runacunata, paipac ñaupapi tiyachichic. Paicuna cashna huillacpica, pueblomanta llucchishpa rumicunahuan shitashpa huañuchinguichic» nirca.

RUT 2:3

Shina nicpi, chai pambaman chayashpami, cebadata piticuc huashata catishpa chalarca. Ashtahuanpish chai allpaca Elimelecpac familia Booz runapacmi carca.

2 SAMUEL 16:11

Chai quipami Davidca Abisaitapish, paita serviccunatapish rimashpaca: —Ñucamanta llucshishca churillatac huañuchisha nicucpica, ¡Benjaminpac aillupuramantacarin mashnatapish rimangallami! Mandac Diosmi chashna nichun nishca canga. Chaimanta mashnatapish maldiciachun saquilla.

MARCOS 3:24

Llactata mandaccunapura macanacucpica, chai llactaca chingaringami.