2 SAMUEL 2:18 - Dios Rimashcata Quillcashcami

¹⁸ Sarviapac quimsa cari huahuacuna Joabpish, Abisaipish, Asaelpish chaipimi carca. Asaelca sacha taruga shina yallita callpacmi carca.

2 SAMUEL 2:18 Referans Kwoze

1 CRÓNICAS 12:8

Gadpac aillumantapish taucacunami Davidhuan tandanacurca. Davidca shitashca pambapimi miticunapi tiyacurca. Chai runacunaca macanacunata allita yachac, sinchi, shinallatac lanzata, escudota apanatapish alli yachaccunami carca. Paicunapac ñahuica leonpac ñahui shinami carca. Urcucunata taruga callpac shina utca riccunami carca.

HABACUC 3:19

¡Mandac Diosca ñuca jarcarina sinchi torre shinami! Paica ñuca chaquicunata tarugapac chaqui shinata ruhuashpami, jahua urcucunata purichinga.

CANTARES 8:14

¡Ñuca cuyashcalla, utca shamuiyari. Canca gacela animal shina, malta taruga shina, mishquiman ashnacuc urcucunata callpashpa utca shamuiyari!

CANTARES 2:17

Ñuca cuyashcalla, manarac pacaricpi, manarac punzhayacpi utca cutimuiyari. Beter lomacunata huahua cerba shina, maltón taruga shina callpamuiyari.

SALMOS 18:33

Paimi ñuca chaquicunatapish taruga chaqui shina callpacta ruhuan. Jahua urcucunapipish ima manchai illactami charin.

AMÓS 2:14

Shina ruhuacpica, yalli callpac runapish mana callpai pudingachu. Yalli sinchi runapish fuerza illacmi saquiringa. Yalli piña runapish mana quishpiringachu.

ECLESIASTÉS 9:11

Inti achicyachicuc cai pachapica caitapish ricurcanimi: Jatun callpaipica mana sinchi callpaccunachu mishan. Macanacuipipish mana sinchicunachu mishan. Micunatapish mana yachaccunallachu micun. Mana yuyaisapacunallachu chayucyan. Mana allita rimaccunallachu alli nishca can. Ashtahuanpish tucuimanmi alli punzhapish, mana alli punzhapish shamun.

1 CRÓNICAS 11:26

Sinchi runacunaca Joabpac huauqui Asael, Belén pueblomanta Dodopac churi Elhanan,

2 SAMUEL 1:23

Saulpish, Jonatanpish yallitami cuyanacuccuna carca. Causaipipish, huañuipipish manatac chicanyarircacunachu. Paicunaca aguilatapish yalli callpaccunami carca. Leontapish yalli sinchicunami carca.

1 SAMUEL 26:6

Davidca heteopuramanta Ahimelectapish, Sarviapac cari huahua Joabpac huauqui Abisaitapish tapushpaca: —¿Saúl sueñucuc carpa huasicunaman pitac ñucahuan risha ninguichic?— nirca. Shina nicpimi Abisaica: —Ñuca canhuan urai risha— nirca.

2 SAMUEL 2:19

Shina cashpami Asaelca Abnerta huañuchingapac allimanpish, lluquimanpish mana ladoyashpa catirca.

2 SAMUEL 22:34

Paimi ñuca chaquicunatapish, venado shina callpacta ruhuan. Paimi ñucataca urcu jahuapi sinchita shayachin.

2 SAMUEL 23:24

Chai quimsa chungapurapica Joabpac huauqui Asaelpish, Belén pueblomanta Dodopac churi Elhananpish,

1 REYES 2:5

Sarviapac cari huahua Joab ñucata, Israel soldadocunata mandac Nerpac churi Abnerta, Jeterpac churi Amasata imata ruhuashcataca canllatacmi yachangui. Paica macanacuna punzhacunapi shinami, mana macanacuna punzhapi paicunata huañuchishpa, yahuarta jicharca. Chaitaca macanacuipi yahuarta jichashcamantami chashna ruhuarca. Chashna huañuchishca yahuarhuanmi paipac chumbillina chumbitapish, paipac ushutatapish mapayachirca.

2 SAMUEL 14:1

Sarvia huarmipac cari huahua Joabca jatun mandac David shungumanta Absalonta llaquicuctami yachac chayarca.

1 CRÓNICAS 12:9

Paicunaca: Puntaca Eze, quipaca Obadías, quimsaniquica Eliab,

1 CRÓNICAS 27:7

Chuscuniqui quillapi yaicuc, chuscuniqui tandanacushca ishcai chunga chuscu huaranga soldadocunataca Joabpac huauqui Asaelmi mandacurca. Paipac quipataca paipac churi Zebadiasmi mandarca.