2 SAMUEL 19:1 - Dios Rimashcata Quillcashcami

¹ Joabmanca: «Jatun mandacca Absalón huañushcamantami huacashpa llaquilla can» nishpa parlarca.

2 SAMUEL 19:1 Referans Kwoze

2 SAMUEL 18:14

Shina nicpimi Joabca: —Mana canhuan caipi yanga shayacusha ninichu— nirca. Shina nishpami, quimsa flechata maquipi apashpa, Absalonpacman rishpa shungupi satirca. Absalonca encina ramacunapica causacurcaracmi.

2 SAMUEL 18:5

Jatun mandacca Joabtapish, Abisaitapish, Itaitapish mandashpaca: «Ñucata cuyashcamantaca, Absalón mosota ama llaquichinguichicchu» nirca. Jatun mandac Absalonta ama llaquichinguichicchu nishpa soldadocunata rimacuctaca tucui gentecunami uyarca.

PROVERBIOS 17:25

Yuyai illac churica taitata piñachinmi. Paita charic mamatapish huacachinmi.

2 SAMUEL 18:33

Shina nicta jatun mandac uyashpaca yallita mancharishpami, chai puebloman yaicuna pungu jahua ucuman munai huacashpa rirca. Pai huacashpaca: «¡Ñuca huahua Absalonlla! ¡Ñuca huahua Absalonlla! ¡Can huañunapac randica ñuca huañushpachari alli caiman carcani! ¡Ñuca huahua Absalonlla, ñuca huahualla!» nishpami huacarca.

2 SAMUEL 18:20

Shina nicpimi Joabca: —Cai ima tucushcataca mana cunanchu huillagrina cangui. Shuc punzhami huillagrina cangui. Jatun mandacpac churica huañushcami. Chaimanta mana cunanchu huillagrina cangui— nirca.

2 SAMUEL 18:12

Shina nicpimi, chai runaca Joabtaca: —Can shuc huaranga ciclos cullquita ñuca maquipi churacpipish, jatun mandacpac churitaca mana huañuchishachu. Chaica jatun mandac cantapish, Abisaitapish, Itaitapish rimashpaca: “Absalón mosotaca ama llaquichinguichicchu” nictami uyarcanchic.

2 SAMUEL 19:2

Chaimantami chai punzhaca macanacuita atishpa cushicunapac randica tucui mashna llaquilla tucurca. Chaica: “Jatun mandacca paipac churi huañushcamantami yallita nanarishca can” nishcatami tucui gentecuna yachac chayarca.

ZACARÍAS 12:10

Davidpac huahuapuramanpish, Jerusalenpi causaccunamanpish cuyac shunguta, shinallatac ñucata mañana yuyaitami yallita cusha. Shina cucpimi, paicunaca ñucata chugrichic shina llaquichishcata ricunga. Chaimantami shuclla churi huañushcamanta shina, punta churi huañushcamanta shina, yallita llaquirishpa huacanga.

GÉNESIS 37:35

Jacobo chashna llaquilla cacpi, paipac churicunapish, ushicunapish cushichishun nircami. Shina cashpapish, mana cushichi pudircacunachu, ashtahuanpish paica: «¡Ñuca churihuan pacta Seolman ringacaman sharpa churanata churarishpa causacushallami!» nishpami huacacurca.