2 SAMUEL 18:9 - Dios Rimashcata Quillcashcami

⁹ Absalonca mulapi montashpa ricushpami, Davidta serviccunahuan tuparca. Chaipimi mulaca encina yura ramacuna huatarishca ucuta rirca. Chaita ricpimi, Absalonca sacha ramacunapi uma churarishpa huarcurishca saquirirca. Pai ricushca mulaca rircallami.

2 SAMUEL 18:9 Referans Kwoze

2 SAMUEL 14:26

Absalonca paipac uma accha yalli llashac cacpimi, huatanta pitichic carca. Chai acchata jatun mandacpac pezanapi pezacpica ishcai patsac siclostami pezac carca.

PROVERBIOS 30:17

Taitata burlashpa asic churica mama yachachishcatapish yangapimi churan. Chai churipac ñahuitaca yacu huaicupi causac angacuna surcuchun. Jatun angapac huahuacuna micuchun.

JOB 31:3

¿Diosta mana manchaccunamanpish juchata ruhuaccunamanpish manachu llaquicunaca tiyanga?

GÁLATAS 3:13

Chaimantami mandashcacunata mana pactachishpa, llaquiman rinalla cacpi Cristoca ñucanchicpac randi cruzpi llaquita apashpa quishpichirca. Dios quillcachishcapica: «Maijanpish cruzpi chacatashca huañucca, Dios llaquichishcami huañun» ninmi.

MARCOS 7:10

Moisés yachachishpaca: “Taita mamata cuyangui. Maijanpish taita mamata mana alli nicca, huañunami canga” nishcami.

JEREMÍAS 48:44

Moab llactapi causaccunataca yallitami llaquichigrini. Manchaimanta miticushpa callpacca jutcupimi urmanga. Jutcumanta llucshicca tucllapimi japi tucunga.

PROVERBIOS 20:20

Paipac taitata, mana cashpaca mamata llaquichicca manchana amsa tutapi lámpara huañuc shinami tucunga.

2 SAMUEL 18:14

Shina nicpimi Joabca: —Mana canhuan caipi yanga shayacusha ninichu— nirca. Shina nishpami, quimsa flechata maquipi apashpa, Absalonpacman rishpa shungupi satirca. Absalonca encina ramacunapica causacurcaracmi.

2 SAMUEL 17:23

Ashtahuanpish Ahitofelca pai yuyaita cushcata mana ruhuacpimi, paipac burrota parejashpa montashpa pai huacharishca pueblopi tiyac huasiman rirca. Paipac familia imata ruhuana cashcata ña allichishca quipaca sipirishpami huañurca. Pai huañucpica, paipac taita enterrashcallapitac enterrarca.

DEUTERONOMIO 27:20

Cutin rimashpaca: “¡Taitapac huarmihuan sueñushpa, taitata pingaichicca, llaqui tucushca cachun!” nicpica, tucui gentecunami: “¡Chashna cachun!” ninga.

DEUTERONOMIO 27:16

Cutin: “¡Taita mamata mana ricunayachicca, llaqui tucushca cachun!” nicpica, tucui gentecunami: “¡Chashna cachun!” ninga.

DEUTERONOMIO 21:23

mana tucui tuta sachapi huarcushca saquirinachu can. Chai huañushcataca Dios maldiciashca cashcamantami chai punzhallatac enterrana can. Chashna ruhuashpami Mandac Dios cancunaman cushca allpataca mana mapayachinguichic.

SAN MATEO 27:5

Shina nicpimi, Judasca Diosta mañana huasi ucupi cullquita shitashpa, sipiringapac rirca.

2 SAMUEL 13:29

Absalonta serviccunaca pai nishca shinallatacmi Amnontaca ruhuarca. Shina ruhuacpimi, jatun mandacpac tucui churicuna jatarishpaca mulacunapi montashpa miticushpa rirca.

2 SAMUEL 18:8

Tucui llactacunatami macanacuica rirca. Chai macanacuipica sachacunapi urmashpami, espadahuan huañuchishcata yalli ashtahuan huañurca.

2 SAMUEL 18:10

Chaita shuc runa ricushpami Joabtaca: —Absalón encina yurapi huarcurishcatami ricurcani— nirca.