2 SAMUEL 18:31 - Dios Rimashcata Quillcashcami

³¹ Chai quipami etiope runa chayashpaca: —Ñuca jatun mandaclla, alli huillaihuanmi shamuni. Cunanmi Mandac Diosca canta llaquichisha niccunapac maquimanta quishpichishca— nirca.

2 SAMUEL 18:31 Referans Kwoze

2 SAMUEL 18:19

Chai quipami Sadocpac churi Ahimaasca: —Ñucanchicta piñaccunapac maquimanta Mandac Dios ima shina cacharichishcata jatun mandacman huillangapac callpagrinimi— nirca.

SALMOS 58:10

Cashcata ruhuaccunaca millaicunata Dios llaquichicpica cushicungami. Diosta mana manchaccunapac yahuarhuanmi chaquita jahuangacuna.

2 SAMUEL 18:28

Ahimaas jatun mandacta cayashpaca: —¡Cushi causaita charingui!— nirca. Chashna nishpami, jatun mandacpac ñaupapi pambacaman cumurishpaca: —¡Canta Mandac Diosca alli nishca cachun! Paimi can jatun mandac-huan cariyaccunata ñucanchic maquipi churashca— nirca.

JUECES 5:31

Mandac Dioslla, tucui canta piñaccuna chashna chingarishpa tucurichun. Shinallatac cuyaccunaca inti llucshishpa tucuita achicyachic shina cachun” nishpami cantarca. Chaimanta quipamanca chuscu chunga huatatami israelcunaca cushilla causarca.

2 SAMUEL 18:30

Shina nicpimi, jatun mandacca: —Caiman shamushpa shayari— nirca. Shina nicpimi, chai runaca pasashpa chaipi shayarirca.

DANIEL 4:19

Shina nicpimi, Beltesasar nishca Danielca paipac yuyaipi ashata mancharishca saquirirca. Chashna cacpimi jatun mandacca: —Cai muscuimantapish, cai muscui imata nisha nicushcamantapish ama manchashpa saquirichu— nirca. Shina nicpimi Beltesasarca: —¡Ñuca mandaclla, can muscushcapish, chai muscushca imata nisha nicushcapish canta piñaccunaman cachun!