2 SAMUEL 18:27 - Dios Rimashcata Quillcashcami

²⁷ Cutinllatacmi chai chapac runaca: —Puntapi callpashpa shamucca Sadocpac churi Ahimaasmi yuyachin. Pailayallami callpamun— nirca. Shina nicpimi, jatun mandacca: —Paica alli runami. Chaimanta alli huillaihuanmi shamucunga— nirca.

2 SAMUEL 18:27 Referans Kwoze

2 REYES 9:20

Torre jahuapi chapac runa cutinllatac chashna tucucta ricushpaca: —¡Paipish paicunapacman chayashpaca, mana cutimunchu! Chaita shamuc runaca Nimsipac churi Jehulayami shamucun. Paica juizhu illac shinami shamun— nirca.

1 REYES 1:42

Pai shina nicucllapitacmi Abiatar curapac churi Jonatán chayarca. Pai chayacpimi Adoniasca: —Yaicumuilla, canca imatapish mana manchac runami cangui. Canca alli huillanatami apamucungui— nirca.

ROMANOS 10:15

¿Ima shinatac mana pi cachacpica huillangacuna? Dios quillcachishcapica: «Alli huillaita huillashpa purinaca, ¡mai sumacmi!» ninmi.

ISAÍAS 52:7

¡Cushichic alli huillaita huillangapac jahua urcuta callpashpa shamuc runaca sumacmari! Chai runaca cushi causaimantapish, quishpirinamantapish, imapish allicunallatami huillan. Sionpi causaccunamanpish: «¡Cancunapac Diosmi mandagrin!» nishpami huillan.

PROVERBIOS 25:25

Caru llactamanta alli huillaita huillac shamucca yallita yacunayachicucpi, chirilla yacu yaicuc shinami ruhuan.

PROVERBIOS 25:13

Tucuita pactachic huillacca huillachun cachacpacca, cosecha punzhapi chiri yacuta cushca shinami. Chai runaca paipac amopac causaitami samachin.

2 SAMUEL 18:26

chai chapac runaca shuctac runa callpashpa shamucuctami ricurca. Chaimantami chai chapac runaca pungupi cuidac runata cayashpaca: «¡Shuctac runami, pailla callpamucun!» nirca. Shina huillacpimi jatun mandacca: —Chai runapish alli huillaihuanmi shamun— nirca.