2 SAMUEL 17:29 - Dios Rimashcata Quillcashcami

²⁹ bunga mishquita, leche cuajadata, vaca quesota, ovejacunatapish apamurca. Paicunaca: «Gentecunaca shitashca pambapica yarcaihuan, yacunayaihuanmi canga» yuyashpami micuchun apamurca.

2 SAMUEL 17:29 Referans Kwoze

2 SAMUEL 16:2

Chashna tupacpimi, jatun mandac Davidca: —¿Imapactac caita apamungui?— nishpa tapurca. Shina tapucpi Sibaca: —Cai burrocunaca can jatun mandacpac familia montangapacmi. Cutin tandapish, pasaspish canta serviccuna micuchunmi. Vinoca shitashca pambapi yacunayacpi ubiangapacmi— nirca.

ISAÍAS 21:14

Tema llactapi causaccunalla, yacunayaihuan huañucuccunata yacuhuan tupagrichic. Miticushpa puriccunata micunahuan tupagrichic.

2 SAMUEL 16:14

Davidpish, paihuan cac runacunapish Jordán yacuman shaicushca chayashpami, chaillapi samarirca.

ROMANOS 12:13

Criccunapurapi ima illashcata, cushpa ayudaichic. Shuctac llactamanta shamuccunata pozachichic.

SAN LUCAS 8:3

Herodespac mayordomo Chuzapac huarmi Juanapishmi carca. Shinallatac Susanapish, shuctac huarmicunapishmi carca. Paicunami imalla charishcacunahuan Jesusta ayudaccunami carca.

ISAÍAS 58:7

Yarcaihuan caccunaman caranami canguichic. Huasita mana chariccunata pozachinami canguichic. Churana illaccunaman churachinami canguichic. Cambac huauquita ayudanami canguichic.

SALMOS 84:11

Mandac Diosca ñucanchicta achicyachic inti, ñucanchicta jarcac escudomi. Mandac Diosca mana pandarishpa causaccunataca cuyashpami allipi churan.

2 SAMUEL 17:2

Paitaca shaicushca, mana micushca cacpimi, japishpa manchachisha. Shina paita manchachicpimi, paihuan cac gentecunaca miticushpa callpanga. Chashna callpacpimi, jatun mandactaca huañuchisha.

1 SAMUEL 17:18

Shinallatac chunga quesellota huaranga soldadocunata mandacman apai. Cambac huauquicuna ima shina cashcata ricumungui. Paicuna alli cashcata yachangapacca imallatapish paicunapacta apamungui— nirca.

PROVERBIOS 21:26

Punzhanta imacunata munashpami causan. Ashtahuanpish cashcata ruhuac runaca mana misashpa carangapacpish charinmi.

SALMOS 107:5

Yarcaihuanpish, yacunayaihuanpish ña huañunallami puricurcacuna.