2 SAMUEL 16:9 - Dios Rimashcata Quillcashcami

⁹ Chaimantami Sarviapac cari huahua Abisaica jatun mandactaca: —¿Ima nishpatac cai huañushca allcu shinaca, ñuca jatun mandactaca maldicianyari? ¡Ñuca paipac cungata pitigrichun saqui!— nirca.

2 SAMUEL 16:9 Referans Kwoze

ÉXODO 22:28

Cancunapac llactapi mandaccunatapish, jueztapish ama llaquichinguichu.

2 SAMUEL 9:8

Shina nicpimi, Mefi-boset cumurishpaca: —Jatun mandaclla, ñuca huañushca allcu shinamanca, ¿ima nishpatac chashna allicunata ruhuasha ninguiyari?— nirca.

2 SAMUEL 3:8

Chashna tapucpimi Abnerca yallita piñarishpaca: —¿Ñucaca Judá llactapi causaccunapac allcu uma shinachu cani? Ñucaca cambac taita Saulpac huasi ucupuratapish, paipac ricsishcacunatapish, huauquicunatapish llaquishpami cantaca Davidpac maquipi mana churarcani. ¿Chashna canman allita ruhuashca jahuachu ñucataca cai huarmipac juchamanta juchanchingui?

1 SAMUEL 24:14

Israelcunata jatun mandaclla, ¿pitatac llaquichingapac shamurcangui? ¿Pitatac caticungui? ¿Huañushca allcutachu caticungui? ¿Piquitachu caticungui?

1 PEDRO 2:17

Tucuihuan alli caichic, criccunata cuyaichic, Diostaca manchaichic, shinallatac llactacunata jatun mandac-huanpish alli caichic.

HECHOS 23:5

Chashna nicpimi Pabloca: —Huauquicuna, ñucaca pai mandac cura cashcataca mana yachashcanichu. Dios quillcachishcapica: “Llactata mandactaca ama ima millaita rimanguichu” ninmi— nirca.

SAN LUCAS 9:54

Chaimantami Jesuspac yachacuccunapuramanta Juanpish, Jacobopish: —Apunchic Jesús, caipi causaccunata tucuchichun, ¿Elías mañashca shina, jahua pachamanta ninata cachachun mañashunchu?— nirca.

2 SAMUEL 3:30

Joab, paipac huauqui Abisaimi Gabaón macanacuipi paicunapac huauqui Asaeltaca huañuchishcamanta Abnertaca huañuchirca.

2 SAMUEL 19:21

Chaipimi Sarviapac churi Abisaica: —Mandac Diospac acllashca cangapac aceitehuan cahuishca runata maldiciashcamantaca huañunami can— nirca.

2 SAMUEL 19:22

Shina nicpimi Davidca: —Sarviapac huahualla, ¿ima nishpatac ñucataca piñanacuipi churashun ninguichicyari? ¿Cancunataca imatatac ruhuashcaniyari? Israelcunata jatun mandacmi cani. Israelpuramantaca shucllapish mana huañungachu— nirca.