2 SAMUEL 16:12 - Dios Rimashcata Quillcashcami

¹² Mandac Diosca ñuca llaquihuan cacta ricushpaca llaquingapishchari. Shina llaquishpa, cunan cai runacuna maldiciashcamantaca, ashtahuanpish ñucamanca allicunatami cunga— nirca.

2 SAMUEL 16:12 Referans Kwoze

HEBREOS 12:10

Taitacunaca asha punzhacamanllami llaquichic carca. Ashtahuanpish Diosca pai shina jucha illac cachunmi, ñucanchicpac allipacllata llaquichin.

DEUTERONOMIO 23:5

Ashtahuanpish Mandac Diosca Balaamtaca mana uyasha nircachu. Mandac Diosca cuyanmi. Chaimantami maldicianapac randica bendiciarca.

ROMANOS 8:28

Diosca, paita cuyaccunataca tucui ima ruhuanapipish allitami pushan. Paicunaca Dios munashcata ruhuangapac acllashcacunami.

SALMOS 25:18

Ñuca mai llaquita apashpa causacushcataca ricuiyari. Ñuca juchacunata tucui perdonailla.

2 TESALONICENSES 1:7

Cutin cancuna llaquita apacuccunataca ñucanchicta samachic shinallatac samachingapacmi Apunchic Jesusca paipac poderyuc angelcunahuan jahua pachamanta nina culun nicuc chaupita shamunga.

1 SAMUEL 1:11

Paica pactachishatacmi nishpami, «Tucuita Mandac Dioslla, canta servic ñuca cashna llaquihuan cacta yuyariyari. Canta servic ñucataca ama cungarishpa, ashtahuanpish ñucaman shuc cari huahuata cuiyari. Can cucpica, chai huahuataca tucui paipac causaipimi can Mandac Diosllatac servishpa causachun cusha. Shinallatac paipac acchatapish mana pitichishachu» nirca.

2 CORINTIOS 4:17

Cai causaipi ashacamanlla llaquita apacushcaca tucuringami. Shina cashpapish, llaquicunaca tucuimanta yalli huiñai causaiyuctami ruhuacun.

ISAÍAS 27:7

Dios paicunataca mana piña runacunata shinachu llaquichirca. Mana huañuchic runacunata shinachu huañuchirca.

2 SAMUEL 16:13

Davidpish, paihuan cac runacunapish ñanta ricucpica, Simeica jana lado urcu quingraita maldiciashpa, rumicunahuan shitashpa, allpa polvota jatarichishpami ricurca.

2 REYES 19:4

Asiria llactata jatun mandacmi canta mandac causac Diosta mana alli nishpa rimachun shuc mandacta cachashca. Chashna rimashcataca Mandac Diosca uyashcami. Chaimanta caipi saquirishcacunamanta Diosta mañai” ninmi ninguichic» nishpa cacharca.

SALMOS 109:28

Paicuna maldiciacpipish, canca bendiciaiyari. Paicuna ñucata llaquichingapac jataricpipish pingaichishca cachun. Shina cacpipish, canta servicca cushilla cachun.

SALMOS 132:1

Mandac Dioslla, Davidtapish, pai llaquita apashcatapish yuyariyari.

PROVERBIOS 25:22

Shina ruhuacpica nina rupachic shinami pinganga. Mandac Diosca canmanca allicunatami cunga.

PROVERBIOS 26:2

Zhutacuna atishpa ric shina, golondrina volac shinami, maldiciashcaca mana yanga shamun.

DEUTERONOMIO 23:6

Paicunahuanca jaicapi ama apanacunguichicchu, shinallatac alli causachunpish ama saquinguichicchu.

SALMOS 10:14

Pai yallita llaquichicuctaca canllatacmi ricucungui. Paicuna imata ruhuashca shinallatacmi llaquichingui. Imata mana ruhuai pudiccunaca cambac maquimanmi cuchuyan. Canca taita mama illaccunata ayudacmi cangui.

JOEL 2:14

Pai shamushpa, cancunata mana llaquichingapishchari. Cancunaman allicunata cungapishchari. Mandac Diosca ofrendata cuchun, tallina vinopish, grano granotapish cungapishchari.