2 SAMUEL 16:10 - Dios Rimashcata Quillcashcami

¹⁰ Shina nicpimi, jatun mandacca: —Sarviapac huahuacunalla, ¿Caicunataca ñucaca ima ricunatatac charini? Mandac Diosllatac: “Davidta maldiciai” nishca cacpica, ¿pitac paicunataca “mana allitami ruhuacungui” ninga?— nirca.

2 SAMUEL 16:10 Referans Kwoze

2 SAMUEL 19:22

Shina nicpimi Davidca: —Sarviapac huahualla, ¿ima nishpatac ñucataca piñanacuipi churashun ninguichicyari? ¿Cancunataca imatatac ruhuashcaniyari? Israelcunata jatun mandacmi cani. Israelpuramantaca shucllapish mana huañungachu— nirca.

ROMANOS 9:20

Canca Diosta taripangapacca, ¿imatac cangui? ¿Allpamanta mangata ruhuactaca mangaca: «¿Ima nishpatac chashna ruhuarcangui?» ningachu?

SAN JUAN 18:11

Chaimantami Jesusca Pedrotaca: —Espadata maipi charicushcallapitac huacaichi. Ñuca Taita cushca cai jayac ubiana shina llaquitaca ¿manachu apana cani?— nirca.

1 PEDRO 2:23

Paita camicpipish, paica mana camircachu. Llaquichicpipish, paica mana llaquichircachu. Chaipac randica cashcata ricushpa, taripac Diosllatac llaquichichunmi saquirca.

SAN MATEO 16:23

Chashna nicpi, Jesús Pedrota rimashpaca: —¡Satanás caimanta anchuri! Canca, Dios munashcata ñuca ama ruhuachunmi jarcasha ningui. Canca, Dios imata ruhuasha nishcataca mana yachanguichu, ashtahuanpish gentecuna yuyashcallatami yuyangui— nirca.

DANIEL 4:35

Paipac ñaupapica tucui cai pachapi causaccuna mana ima canchu. Paimi jahua pachapi tucui tiyaccunatapish, cai pachapi tucui tiyaccunatapish pai munashca shina ruhuan. Paipac poderhuan imata ruhuacucpipish, pi mana jarcai pudinchu. Shinallatac mana pi: ‘¿Imatatac ruhuacungui?’ nishpa tapunchu” nishpa alli nircani

2 SAMUEL 3:39

Cunanca, jatun mandac cachun aceitehuan cahuishca cashpapish irquiyashcami cani. Sarviapac huahuacunami ñucata atishpa ashtahuan sinchicuna. Paicuna mana allita ruhuashcamantaca Mandac Diosllatac mana allita ruhuashca shinallatac llaquichichun— nirca.

GÉNESIS 50:20

Cancunaca ñucata llaquichinatami yuyarcanguichic. Ashtahuanpish Diosmi ñucanchicpac allipac chashnaca ruhuachirca. Chaitaca cunanmi ricucunchic. Paica achca gentecunaman causaita cungapacmi chashnaca ruhuarca.

ECLESIASTÉS 8:4

Jatun mandac mandashcaca poderta charinmi. ¿Pitac: «Imatatac ruhuacungui» nishpa tapungayari?

JOB 9:12

Pai imata quichucpipish, ¿Pitac cutin chasqui pudingayari? Pitac: “¿Imatatac ruhuangui?” ningayari.

2 REYES 18:25

¿Cunanca, Mandac Dios manapish cachacpichu cai llactata tucuchingapac shamushcani? Mandac Diosmi ñucataca: ‘Chai llactaman rishpa tucuchigri’ nirca” nichunmi— cacharca.

1 REYES 2:5

Sarviapac cari huahua Joab ñucata, Israel soldadocunata mandac Nerpac churi Abnerta, Jeterpac churi Amasata imata ruhuashcataca canllatacmi yachangui. Paica macanacuna punzhacunapi shinami, mana macanacuna punzhapi paicunata huañuchishpa, yahuarta jicharca. Chaitaca macanacuipi yahuarta jichashcamantami chashna ruhuarca. Chashna huañuchishca yahuarhuanmi paipac chumbillina chumbitapish, paipac ushutatapish mapayachirca.

SAN MATEO 8:29

Paicuna Jesuspacman chayashpaca: —Diospac Churi Jesús, ¿imatatac nic shamungui? ¿Canca manarac llaquichina punzha chayamucpichu llaquichi shamungui?— nishpa caparirca.

1 REYES 17:18

Chaimantami chai huarmica Eliastaca: —Diospac runa cantaca ¿Ima mana allitatac ruhuashcaniyari? ¿Ñuca juchacunata yuyachishpa, ñuca cari huahuata huañuchingapacchu ñucapacman shamurcangui?— nirca.

SALMOS 39:9

Canllatac ñucata llaquichishcamantami mana rimashpa upalla saquirini.

1 SAMUEL 26:19

Jatun mandac ñuca amolla, canta servic ñuca rimashcata uyai. Mandac Diosllatac ñucata llaquichichun canta yuyachicushpaca, ofrendata chasquichun. Ashtahuanpish runacunalla yuyaita cucucpica, Mandac Diosllatac yallita llaquichichun. Paicunami Mandac Dios cushca llactata ama ñuca japichun: “¡Shuc dioscunata servingapac ri!” nirca.

2 SAMUEL 19:23

Chaimantami jatun mandacca Simeitaca: —Mana huañunguichu— nishpa ari nirca.

LAMENTACIONES 3:37

Mandac Dios mana mandacpica, ¿pitac imata huillanga?