2 SAMUEL 15:6 - Dios Rimashcata Quillcashcami

⁶ Ima piñanacushcatapish, ima llaquicunatapish allichichun jatun mandacman mañan shamuccunataca tucui israelcunatami chashna ruhuarca. Chashnami tucui israelcunapac cuyashca tucurca.

2 SAMUEL 15:6 Referans Kwoze

ROMANOS 16:18

Chai shina yachachic runacunaca paicunapac munaillata ruhuashpami, Apunchic Jesustaca mana servincuna. Paicunaca mishquilla, uyanalla rimaicunata rimashpami, manarac alli yachac gentecunata pandachincuna.

2 PEDRO 2:3

Paicunaca cullquita japingaraicumi, cancunamanca yachachishpa chayucyangacuna. Paicunataca ña utcamanta pachami, llaquimanmi ringuichic nishca can. Chai llaquimantaca manatac quishpiringacunachu.

PROVERBIOS 11:9

Mishqui shimi jayac shungu runaca pai rimashcahuanmi, shuctac runata llaquichin. Ashtahuanpish cashcata ruhuaccunaca allita yachac cashpami quishpirincuna.

2 SAMUEL 15:13

Shuc huillac runa Davidman huillangapac shamushpaca: «Israelcunaca tucuimi Absalonta cati callarincuna» nirca.

DANIEL 11:21

Paipac randica, maita mana jatun mandac tucuipac mana alli nishca runami mandangapac shamunga. Cungailla llullacunahuan shamushpami, mandana llactata japinga.

ECLESIASTÉS 4:15

Jatun mandacpac randi mandangapac yaicuc huambrataca llactapi causac tucui gentecuna jatun mandac cachun chasquictami ricurcani.