2 SAMUEL 14:19 - Dios Rimashcata Quillcashcami

¹⁹ Chashna nicpimi jatun mandacca: —Chashna nichunca, ¿manachu Joabllatac yachachishpa cacharca?— nirca. Shina nicpimi, chai huarmica: —¡Ari, jatun mandaclla, canllatac yachanguimi! Ari, can nishca shinallatacmi canta servic Joabca canman imata ninata yachachishpa cacharca.

2 SAMUEL 14:19 Referans Kwoze

2 SAMUEL 14:3

Chaimantaca jatun mandacpacman ri. Chaiman chayashpaca, tucui ñuca ima nishcata ningui» nirca. Joabca tucui pai imata ninatami nirca.

1 SAMUEL 1:26

Shina cushpami Anaca: —¡Ñuca amitolla! Canca causacunguimi. Cambac ladopi mañashpa tiyacushca huarmillatacmi cani.

SAN LUCAS 21:15

Ñucallatacmi cancunamanca rimana alli yuyaicunatapish cusha. Chashna allita rimacpica, cancunata piñaccunaca mana imata ni pudishpa, upalla saquiringallami.

PROVERBIOS 4:27

Alli ñanmantaca alli ladomanpish, lluqui ladomanpish ama ladoyanguichu. Cambac chaquitaca mana allimanta anchuchinguichu.

2 REYES 2:2

Chaipimi Eliasca, Eliseotaca: —Ñucataca Mandac Diosmi Bet-el puebloman richun nin. Cunanca caipi saquirilla— nirca. Shina nicpimi Eliseoca: —¡Mandac Diospac shutipi, cambac shutipimi nini: Canllataca manatac saquishachu!— nirca. Chaimantami Bet-el puebloman ishcaita urai rircacuna.

2 SAMUEL 11:11

Shina tapucpimi Uriasca: —Arcapish, Judá llacta runacunapish, israelcunapish carpa huasillapimi tiyacun. Ñucata mandac Joabpish, shinallatac can jatun mandacta servic caishuccunapish canzha carpa huasillapimi sueñuncuna. Chaita ricushca jahuaca imata ñucaca huasiman rishpa, alli micushpa, alli ubiashpa, huarmihuan sueñushpa cagrishayari. ¡Can jatun mandacpac causaimantapish, cambac almapac causaimantapish caitaca manatac ruhuashachu!— nirca.

2 SAMUEL 3:34

Canca maquipish mana huatashcachu carcangui. Chaquicunapish mana cadenahuan huatashcachu carcangui. Canca millai runacuna shinami huañushcangui» nishpami huacarca. Tucui gentecunami paimantaca cutinllatac huacarca.

2 SAMUEL 3:29

¡Ashtahuanpish chai yahuarmantaca Joabpac, paipac huasi ucupuracunapac jahuapi llaqui urmachun! Joabpac huasi ucupurapica yahuar llucshic ungüipish, lepra ungüipish, suchucunapish, espadahuan huañuchishcacunapish, yarcaipish, jaicapi ama illachun— nirca.

2 SAMUEL 3:27

Abner Hebrón puebloman cuticpimi, Joabca paillahuan parlasha nic shinalla chai pueblo yaicuna punguman caruyachishpa pusharca. Chaipimi paipac huauqui Asaelta huañuchishcamanta yallita piñarishpa huicsapi chugrishpa huañuchirca.

1 SAMUEL 25:26

Cunanca ñuca mandaclla, ¡Mandac Diospac shutipi, cambac shutipi nini: Mana allita ruhuashcamanta cambac maquihuanllatac huañuchishpa yahuarta jichanamantaca Mandac Diosmi cantaca jarcashca! Canta piñaccunapish, ñuca mandacta llaquichisha niccunapish, Nabal shina llaquita apachun.

1 SAMUEL 20:3

Shina nicpimi Davidca: —Cambac taitaca canhuan ñucahuan alli apanacuctaca allimi yachan. Chaimantami: “Jonatán ama llaquirichunca mana huillasha” nishca canga. ¡Mandac Diospac shutipi, cambac shutipimi nini!: Ñuca huañuica ñuca ñaupallapimi— nirca.

1 SAMUEL 17:55

Chai filisteohuan macanacungapac David ricta Saúl ricushpami paipac soldadocunata mandac Abnertaca: —¿Chai huambraca pipac churitac?— nishpa tapurca. Shina tapucpimi Abnerca:

JOSUÉ 1:7

Ñucata servic Moisés mandashcata tucui pactachingapacca, mana manchashpa, sinchi cai. Tucui causaipi ima ruhuashcacuna alli llucshichunca cai mandashcacunamantami lluqui ladomanpish, alli ladomanpish mana ladoyana cangui.

DEUTERONOMIO 28:14

Cunan ñuca huillashpa mandashcacunamantaca allimanpish, lluquimanpish ama ladoyanguichicchu. Pacta shuctac dioscunata adorashpa pandaringuichicman.

DEUTERONOMIO 5:32

Mandac Dios mandashca shina tucuita pactachinguichic. Allimanpish, lluquimanpish mana ladoyashpa, catinguichic.

NÚMEROS 20:17

Chaimanta cambac llactata pasachun saqui. Cambac allpa jahuatapish, uvas chagra jahuatapish mana rishunchu. Junducunamantapish mana yacuta ubiashunchu. Lluquimanpish, allimanpish mana llucshishpami, purina jatun ñanllata pasashun” ninguichic» nirca.

ÉXODO 4:15

Imata can ninataca paiman tucui huillangui. Ñucami can rimacpipish, pai rimacpipish imata rimanata yachachisha.

2 SAMUEL 14:18

Shina nicpimi, jatun mandacca huarmitaca: —Ñuca tapushcata ama llullashpa cutichi— nirca. Shina nicpimi huarmica: —Jatun mandaclla, imata tapusha nishpaca tapuilla— nirca.

2 SAMUEL 18:13

Jatun mandacca tucuita yachanmi. Paita huañuchishpaca ñucallatacmi llaqui tucuiman carcani. Huañuchishcamanta ñucata llaquichigricpica, canpish mana misanguimanchu— nirca.

PROVERBIOS 25:2

Imata pacalla charinaca Diospac sumaimanami. Sumacta callarishpa ricunaca jatun mandacpac allimi.