2 SAMUEL 14:12 - Dios Rimashcata Quillcashcami

¹² Shina nicpipish chai huarmica: —Jatun mandaclla, canta servic ñucataca shuc cutinllahuan rimachun saquiyari— nirca. Shina nicpimi, jatun mandacca: —Rimailla— nirca.

2 SAMUEL 14:12 Referans Kwoze

HECHOS 26:1

Shina nicpimi Agripaca: —Pablo, canllatac rimai— nirca. Shina nicpi, Pablo maquita cuyuchishpa rimashpaca:

JEREMÍAS 12:1

Mandac Dioslla, ñuca imata tapucpipish, cashcata nicmi cangui. Shina cacpipish, caillatami tapunata munani. ¿Ima nishpatac canta mana manchaccunaca alli causancuna? ¿Ima nishpatac canta mana cazuccunaca cushilla causancuna?

1 SAMUEL 25:24

Paica Davidpac chaqui ñaupapi cungurishpaca: —¡Ñuca mandaclla, ima juchata ruhuashcapish ñucapac jahuapi cachun! Ashtahuanpish canta servic ñucami, canhuan caita parlasha nini. Ñuca ima nishcata uyai.

GÉNESIS 44:18

Judá Josepacman cuchuyashpaca: —Ñuca mandaclla, canca Faraón shinallatacmi cangui. Chaimanta canta servic ñucami, can mandac-huan ashata parlasha nini. Canta servic ñucata ama piñarishpalla caita uyai.

GÉNESIS 18:32

Shina nicpimi, cutinllatac Abrahamca: —Ñuca Mandac Dioslla, ama piñaringuichu, ña caillahuanmi tapugrini. ¿Chungallapish tiyacpica?— nirca. Shina nicpimi, Mandac Diosca: —Chungallapish tiyacpica, paicunata llaquishcamanta mana chingachishachu— nirca.

GÉNESIS 18:27

Shina nicpimi Abrahamca: —Riqui, ñucaca ñuto allpa shina, uchupa shina cashpapish ñucata Mandac Dios-huanmi parlai callarini.

2 SAMUEL 14:11

Shina nicpimi, chai huarmica: —Jatun mandaclla, huañuchishpa yahuarta jichashcamanta huañuchiccuna ñuca huahuata ama llaquichishpa, huañuchichun Diosta mañanguiyari— nirca. Shina nicpimi, jatun mandacca: —¡Mandac Diospac shutipimi nini: Cambac huahuapac shuc acchallapish mana allpapi urmangachu!— nirca.

2 SAMUEL 14:13

Shina nicpimi, chai huarmica: —Jatun mandaclla, ¿imamantatac Dios acllashca runacunataca llaquichinata yuyacungui? Can jatun mandacllatac nishca shinaca cambac churita shuctac llactamanta mana cutimuchun saquishpaca, canllatacmi mana allita ruhuangui.

2 SAMUEL 20:17

Chashna nicpimi Joab chai huarmipacman cuchuyacpica: —¿Canchu Joab cangui?— nishpa tapurca. Shina tapucpi paica: —Ari, ñucami cani— nirca. Shina nicpimi, chai huarmica: —Canta servic huarmi, ima nishcata uyai— nirca. Shina nicpimi Joabca: —Ari, uyashallami— nirca.

1 REYES 2:14

Shina nishca jahuapish: —Shuc rimaita rimanata munani— nirca. Shina nicpimi Betsabeca: —Rimailla— nirca.