2 SAMUEL 13:3 - Dios Rimashcata Quillcashcami

³ Amnonca Davidpac huauqui Simeapac churi Jonadabhuanmi apanacuccuna carca. Jonadabca yuyaisapami carca.

2 SAMUEL 13:3 Referans Kwoze

1 SAMUEL 16:9

Chai quipami Isaica caishuc churi Samata Samuelpac ñaupaman cayarca. Shina cayacpimi Samuelca: —Mandac Diosca paitapish mana acllashcachu— nirca.

1 CORINTIOS 3:19

Cai pacha gentecuna yachashcallaca, Diospac ñaupapica imata mana yachashca shinami. Dios quillcachishcapica: “Diosca chai jatun yachaccunataca, paicunapac yachashcallahuantacmi tucllapi shina urmachin” ninmi.

SANTIAGO 3:15

Chai shina yachac canaca mana Diosmantachu shamun, ashtahuanpish cai pacha gentecuna yuyashcallamanta shinallatac diablomantami shamun.

JEREMÍAS 4:22

Ñuca acllashcacunaca ñucata mana ricsic yuyai illaccunami. Ñuca huahuacunaca imatapish mana yachac, imatapish mana entendiccunami. Millaita ruhuanataca allita yachancunami. Ashtahuanpish allita ruhuanataca mana yachancunachu.

PROVERBIOS 19:6

Alli shungu runa ayudachunca achcacunami mashcan. Imatapish carac runahuanca tucuimi apanacun.

ESTER 6:13

Amán chayashpa paipac huarmi Zeresmanpish, paipac ricsishcacunamanpish tucui ima tucushcata huillacpica alli yachac paihuan apanacuccunapish, paipac huarmi Zerespish Amantaca: —Judá llactamanta Mardoqueopac ñaupapi llaqui tucushpaca mana ati pudinguichu. Ashtahuanpish paipac ñaupapica urmashpami tucuringui— nircacuna.

ESTER 5:14

Shina nicpimi, paipac huarmi Zerespish, paipac ricsishcacunapish Amantaca: —Sipingapac ishcai chunga ishcai metro caspita shayachichun mandai. Chai caspipi Mardoqueota sipingapac cayaca jatun mandacman huillai. Chai quipaca jatun mandac-huan chai jatun micuiman cushilla ringuillami— nircacuna. Chai yuyai alli cacpimi, Amanca chai sipina caspita shayachichun mandarca.

ESTER 5:10

Shina cashpapish Amanca mana piñarishca shinami paipac huasiman chayashpa paipac ricsishcacunatapish, paipac huarmi Zerestapish cayachun cacharca.

2 SAMUEL 14:2

Chaimantami Joabca Tecoa pueblomanta shuc yachac huarmita pushamuchun cacharca. Chai huarmitaca: «Canca maijan huañushcamanta duelo churanata churarishpa, llaquilla tucushpa, jatun mandacpacman ri. Mishquilla ashnacuc-huanpish mana cahuirishpa, achca huatacunata maijan huañushcamanta duelo churanata churashca shinalla ricurigri.

2 SAMUEL 13:32

Chaimantami Davidpac huauqui Simeapac churi Jonadabca: —Jatun mandaclla, tucui cambac churicuna huañushca cashcataca ama yuyaichu. Amnonllami huañushca canga. Paitaca Absalonmi paipac pani Tamarpi chayarishca punzhamanta pacha huañuchisha nicurca.

JUECES 14:20

Shina ricpimi Sansonpac huarmitaca Sansonpac ricsishca chai bodapi cac runallahuantac cazarachirca.

GÉNESIS 38:20

Judaca chai huarmiman pai saquimushca prendata apamuchunmi, paipac ricsishca Adulam runata chivo manadamanta shuc chivota saquichun cacharca. Shina rishpapish, chai huarmitaca mana tarircachu.

GÉNESIS 38:1

Chai huatacunami Judaca huauquicunamanta raquirishpa, Adulammanta Hira runapac huasipi causangapac rirca.

GÉNESIS 3:1

Mandac Dios ruhuashca animalcunamantaca culebrami yalli yuyaisapa carca. Chai animalmi Evataca: —Shinaca, ¿Dioschu huertapi tiyac yuracunamantaca ama micunguichu?— nirca.

1 SAMUEL 16:11

Chai quipami Samuelca Isaitaca: —¿Cambac churicunaca caicunallachu?— nishpa tapurca. Shina tapucpi Isaica: —Shuc quipa churi tiyanmi. Paica ovejacunata michicmi— nirca. Shina nicpimi, Samuelca Isaitaca: —Paita pushamuchun cachai. Pai caiman chayamungacaman mana micungapac tiyarishunchu— nirca.

2 SAMUEL 13:2

Paipac pani Tamarca pi carihuan manarac chayarishcachu carca. Shina cacpimi, Amnonca imatapish mana ruhuai pudishpa, ungungacaman chai yuyailla purirca.

2 SAMUEL 13:4

Jonadab tapushpaca: —Jatun mandacpac churilla, ¿ima nishpatac punzhanta chashna tulluyashpa ricunguiyari? ¿Ima nishpatac ñucamanca ima tucushcata mana parlangui?— nirca. Shina nicpimi Amnonca: —Ñucaca, ñuca huauqui Absalonpac pani Tamartami yallita munani— nirca.

2 SAMUEL 21:21

Paimi israelcunahuan cariyarca. Shina cacpipish, Davidpac huauqui Simeapac churi Jonatanmi huañuchirca.

1 CRÓNICAS 2:13

Isaipac punta churica Eliabmi carca. Quipa churica Abinadabmi carca. Chai ishcai churicunapac quipaca Simeami carca.

1 CRÓNICAS 27:32

Davidpac tio Jonatanca alli yuyaita cuc, quillcac yuyaisapa runami carca. Hacmonipac churi Jehielca jatun mandacpac churicunata cuidacmi carca.