2 SAMUEL 13:28 - Dios Rimashcata Quillcashcami

²⁸ Ña utcamanmi Absalonca paita serviccunataca: «Amnón vinota ubiashpa yallita cushilla tiyacucpi, ñuca señata ruhuashpa: “¡Amnonta chugrichichic!” nicpica huañuchinguichiclla. Ñucami mandani. Chaimanta ama manchashpa sinchi sinchi caichic» nishcami carca.

2 SAMUEL 13:28 Referans Kwoze

JUECES 19:6

Shina nicpimi, chaipi tiyarishpa ishcai tucushpa micurcacuna, ubiarcacuna. Shina cashpami chai huarmipac taitaca: —Cunan tuta caipi pacariyari, cushicunguimi— nirca.

JUECES 19:22

Chashna cushilla cacpimi chai pueblopi causac millai runacuna chai huasita muyunacushpa pungupi huactashpa chai yuyac runataca: —¡Cambac huasipi pozashpa tiyaccunahuan chayarinacungapac canzhaman llucchi!— nirca.

JUECES 19:9

Shina micushpaca, caishuc huarmihuan, paipac servic-huan cutingapacmi jatarirca. Shina cutigricpimi chai huarmipac taitaca: —Riqui, punzhaca chishiyashpa tutayamucunmi. Chaimanta can cushilla canguica caipi pacariyari. Caya utca jatarishpa cambac huasiman ringuillami— nirca.

RUT 3:7

Micushpa, ubiashpaca cushillami Boozca grano montón ladoman sueñungapac rirca. Chaipi sueñucucpimi, Rutca allilla chayashpa chaquinic pulluta alzachishpa siririrca.

HECHOS 5:29

Shina nicpi, Pedropish, caishuc apostolcunapish rimashpaca: —Runacunata cazunapac randica, Diostami cazuna canchic.

SAN LUCAS 21:34

Cancunallatac alli yuyarichic. Pacta machanallapi, micunallapi, cai pachapi imatapish charinallapi yuyashpa causacunguichicman. Pacta cancuna mana yuyashca horas chai punzhaca chayamunman.

NAHÚM 1:10

Quichqui casha yuracuna shina cashpapish, machashca shina cashpapish chaquishca ucsha shinami tucuringuichic.

DANIEL 5:30

Chai tutallatacmi caldeocunata jatun mandac Belsasarca huañurca.

ECLESIASTÉS 10:19

Cushicungapacmi jatun micuitaca ruhuana. Vinopish cushilla cangapacmi can. Cullquica tucuita ruhuashpa cushicungapacmi can.

ECLESIASTÉS 9:7

Can imata ruhuashcacunamantaca Diosca cushicushcami. Cunanca cushicushpa cambac micunata micugrilla, cushi shunguhuan vinotapish ubiagrilla.

SALMOS 104:15

Gentecunata cushichic vinopish, ñahuita sumacyachic aceitepish, micuna granopish canmantami tiyan.

ESTER 1:10

Ña canchis punzha tucucpimi, jatun mandac Asueroca vinota ubiashpa, shungupi yallita cushicuihuan cashpa, paipac ñaupapi servishpa causac eunuco runacunataca: Mehumanta, Biztata, Harbanata, Bigtata, Abagtata, Zetarta shinallatac Carcasta cayarca.

1 REYES 20:16

Chaupi punzhatami paicunaca macanacuiman llucshirca. Ben-adadca paita ayudangapac shamushca quimsa chunga ishcai jatun mandaccunahuanmi carpa huasicunapi ubiashpa, machashca carca.

2 SAMUEL 11:15

Chai quillcashcapica: «Uriasta ashtahuan sinchita macanacuc pushtuman pushanguichic. Paita chaipi chugrichishpa huañuchichun, cancunaca shitashpa anchuringuichic» nishpami quillcashca carca.

2 SAMUEL 11:13

Davidca, Uriastaca paihuan micuchun, ubiachun cayashpami machachirca. Shina machashpapish, huasiman mana rishpami, jatun mandacpac huasita cuidac soldadocunahuan paipac camallapitac sueñurca.

1 SAMUEL 28:13

—¿Ima nishpatac umarcangui? ¡Canca Saulmari cangui!— nirca. Shina nicpimi, jatun mandacca: —Ama manchaichu. ¿Imatatac ricungui?— nirca. Shina nicpimi, chai huarmica: —Allpamanta dioscuna llucshicuctami ricuni— nirca.

1 SAMUEL 28:10

Shina nicpimi Saulca: —¡Mandac Diospac shutipimi nini: Can caita ruhuashcamantaca ima llaquipish mana japingachu!— nishpa Mandac Diospac shutipi ari nirca.

JOSUÉ 1:9

Riqui cantaca sinchi, cari cari cai nishpami mandani. Ama manchaichu, ama shaicuichu. Canta Mandac Dios ñucaca can maita ricpipish, canhuanmi casha» nirca.

GÉNESIS 9:21

Chai uvas vinota ubiashpami Noeca machashpa, chai carpa huasi ucu pambapi lluchulla siricurca.

2 SAMUEL 12:10

Cunanca ñuca nishcata mana uyashpa, heteopuramanta Uriaspac huarmita japishpa, millaita ruhuashcamantaca cambac huasi ucupurapica huañuica jaicapi mana illangachu” nirca.

2 SAMUEL 13:27

Chashna Absalón cachachun nicucllapitacmi jatun mandacca Amnontapish, tucui churicunatapish paihuan richun saquirca.

ÉXODO 1:18

Chaimantami Egipto llactata jatun mandacca comadronacunata cayachishpaca: —¿Imamantatac cari huahuacunataca mana huañuchishpa saquircanguichic?— nishpa rimarca.

1 SAMUEL 18:22

Shina nicpimi, Saulca paita serviccunata mandashpaca: —Davidhuan pacalla parlashpa: “Riqui, jatun mandacpish cuyanmi. Paita serviccunapish yallimi cuyan. Chaimanta jatun mandacpac yerno tucuilla” nigrichic— nirca.

2 SAMUEL 14:6

Canta servic ñucaca ishcai huahuacunatamari charircani. Shina cashpapish paicunaca piñanacushpami pambapi macanacushpa, pipish mana misacpi, shucca caishucta chugrichishpa huañuchishca.