2 SAMUEL 12:7 - Dios Rimashcata Quillcashcami

⁷ Shina nicpimi, Natanca Davidtaca: —Chai runaca canllatacmi cangui. Israelcunata Mandac Diosca: “Ñucami aceitehuan cahuishpa, israelcunata mandac cachun churarcani. Cambac amo Saulpac maquimantapish quishpichircanimi.

2 SAMUEL 12:7 Referans Kwoze

SAN MATEO 14:14

Jesús canoamanta uricushpa, achca gentecunata ricushpaca, llaquirishpami maijan ungushcacunata alliyachirca.

1 SAMUEL 16:13

Shina nicpi, Samuelca aceitehuan cac gachuta japishpa, Davidtaca paipac huauquicuna ricucucpi aceitehuan umata cahuirca. Chai punzhamanta pachami Mandac Diospac Espirituca Davidpacman shamurca. Chai quipaca Samuelca Ramá pueblomanmi cutirca.

2 SAMUEL 22:1

Davidca tucui paita piñaccunapac maquimanta, Saulpac maquimanta quishpichishca punzhami Mandac Diosta alli nishpa,

1 REYES 20:42

Shina ricsicpimi paica: —Mandac Diosca: “Ñuca huañuchingapac chicanyachishca runata cambac maquimanta cacharishpa cachashcamantaca canmi paipac randi huañungui. Cambac gentecunami paipac gentecunapac randi huañunga” ninmi— nirca.

1 REYES 18:18

Shina nicpimi Eliasca: —Israelcunataca mana ñucachu llaquichicuni, ashtahuanpish canmi, cambac taitapac familiacunahuan Mandac Dios mandashcacunata saquishpa, Baal dioscunata catishpa llaquichicungui.

2 SAMUEL 22:49

Canmi ñucata piñaccunamanta anchuchircangui. Canmi ñucata piñaccunapac chaupipi jatunyachircangui. Millai runapac maquimantami quishpichircangui.

2 SAMUEL 7:8

Shina cashcamanta ñucata servic Davidtaca: ‘Tucuita Mandac Diosca: Ñucami cantaca ovejacunata michishpa puricucpi, ñuca israelcunata mandac cachun acllarcani.

1 SAMUEL 23:14

Shinami Davidca shitashca pamba Zif urcucunaman rishpa pirca huashacunapi miticushpa causacurca. Saulca punzhanta mashcacucpipish Diosca Davidtaca mana paipac maquipi churarcachu.

1 SAMUEL 23:7

Keila puebloman David shamushcata Saulman huillacpimi, Saulca: «Diosmi ñuca maquipi churashca. Chaimantami Davidllatac puebloman yaicushpa, pungucunata huichcarishpa aldabarishca» nishpa yuyarca.

1 SAMUEL 18:21

Chaimantami Saulca: «Tucllapi urmachic shinami filisteocunapac maquipi paicuna huañuchichun cazarachisha» yuyarca. Chaimantami Saulca cutinllatac Davidtaca: —Cunanmi ñuca yerno cagringui— nirca.

1 SAMUEL 15:17

Shina nicpimi Samuelca: —Can, cambac yuyaipi yanga runami cani yuyacpipish, ¿manachu cantaca Israel aillucunata mandac cachun churarca? Mandac Diosmi cantaca Israel llactata jatun mandac cachun aceitehuan cahuishpa acllarca.

1 SAMUEL 13:13

Shina nicpimi, Samuelca Saultaca: —Canca yuyac illac shinamari ruhuashcangui. Canta Mandac Dios mandashca shina ruhuashca cacpica, cunanmanta pachami canmanpish, cambac huahua huahuacunamanpish israelcunata mandashpa causanataca saquinman carca.

SALMOS 18:1

Mandac Dioslla, cantaca cuyanimi. Canca ñucapac jarcarina jatun pirca shinami cangui.

1 SAMUEL 18:11

Shina charicushpami Saulca: «¡Lanzahuan shitashpami Davidtaca pirca quingraipi huañuchisha!» nishpami yuyarca. Ashtahuanpish ishcai cutinmi Davidca ladoyarca.

2 SAMUEL 14:13

Shina nicpimi, chai huarmica: —Jatun mandaclla, ¿imamantatac Dios acllashca runacunataca llaquichinata yuyacungui? Can jatun mandacllatac nishca shinaca cambac churita shuctac llactamanta mana cutimuchun saquishpaca, canllatacmi mana allita ruhuangui.

1 REYES 14:7

Jeroboampacman cutishpa, israelcunata Mandac Diosca: “Ñucami cantaca israelcunapac chaupimanta acllashca israelcunata mandachun churarcani.

DANIEL 4:22

canmi cangui. Jatun mandaclla, canmi chai yura shina huiñashpa sinchiyashcangui. Canca jahua pachacaman huiñac shina alli nishca cashpami tucui cai pacha tucuricaman mandacungui.

1 REYES 20:40

Ashtahuanpish canta servic ñuca caita chaita ruhuacucpimi chai runaca miticushpa rishca— nirca. Shina nicpimi, Israel llactata jatun mandacca: —Can ima tucuna cashcataca canllatacmi huillashcangui— nirca.

JEREMÍAS 34:6

Dios ima nishcata huillac Jeremiasca Jerusalenpimi Judá llactata jatun mandac Sedequiasmanca tucui caicunata huillarca.