2 SAMUEL 12:16 - Dios Rimashcata Quillcashcami

¹⁶ Chaimantami Davidca huahuamanta Diosta mañarca. Chashnami ayunashpa, ucuman yaicushpa, Mandac Diosta mañashpa tucui tuta pambapi pacarirca.

2 SAMUEL 12:16 Referans Kwoze

2 SAMUEL 13:31

Chaita uyashpa David jatarishpaca, churanata lliquirishpami allpapi siririrca. Paita serviccunapish shinallatacmi churanata lliquirirca.

HECHOS 9:9

Chaipimi quimsa punzhata imata mana ricushpa, mana micushpa, mana ubiashpa carca.

JONÁS 3:9

Mandac Dios pai piñarishcata pasachishpa, ñucanchicta llaquishpa, mana llaquichingapishchari» nichun cacharca.

ISAÍAS 22:12

Tucuita Mandac Diosca chai punzhapica yallita llaquirichun, yuyarishpa huacachun, acchata pitirichun, sharpa churanata churarichun cayarca.

SALMOS 69:10

Mana micushpa tucui shunguhuan canta mañashcamantami rimashpa pingaichincuna.

SALMOS 50:15

Llaqui punzhacunapi cashpa, ñucata mañangui. Ñuca llaquimanta llucchicpica, ñucata alli ningui» ninmi.

ESTER 4:16

«Cai Susa pueblopi causac Judá gentecunata tandachic. Shina tandanacushpa ñucamanta quimsa punzha, quimsa tutata mana micushpa mana ubiashpa ayunaichic. Ñucapish, ñucata servic carihuan manarac chayarishca solteracunapish chashnallatacmi ruhuashun. Chai quipami jatun mandac-huan parlangapac rigrini. Mandashcapi chaiman mana yaicunachu nicuchunpish, ñucata huañuchina cacpipish rigrinimi» nichunmi cacharca.

1 REYES 21:27

Acab cai nishcacunata uyashpaca, paipac churanata lliquishpami sharpa churanata churarishpa, mana micushpa cainarca. Shungu llaquirishpa llaquilla cashpami, chai churanallahuantac sueñurca.

2 SAMUEL 12:22

Shina nicpimi Davidca: —Ñucaca huahua causacucpica: “Mandac Dios ñucata llaquicpica, huahuaca manapishchari huañunga” yuyashpami, ayunashpa huacacurcani.

ISAÍAS 26:16

Mandac Dioslla, yallita llaquihuan cashpami, cantaca mashcarca. Can llaquichicpica, yallitami mañarca.

2 SAMUEL 12:15

Chai quipaca, Natanca huasiman cutircallami. Mandac Diosca Uriaspac huarmipi David charishca huahuataca yallitami unguchirca.

NEHEMÍAS 1:4

Chaita uyashpami, ñucaca tiyarishpa huacashpa maijan punzhacunata duelo carcani. Shinallatac jahua pachapi causac Diospac ñaupapimi mana micushpa mañarcani.

DANIEL 6:18

Chai quipaca jatun mandac paipac huasiman rishpami, mana micushpa pacarirca. Ima tocanacunata paipac cuchuman apamuchunpish mana munarcachu. Mana sueñurcachu.

JOSUÉ 7:6

Chaimantami Josueca yallita llaquirishpa, churanata lliquishpa Mandac Diospac Arca ñaupapi israelcunata pushac yuyaccunandi tutayangacaman pambacaman cumurirca. Shinallatac llaquirishpami, uchupata umapi churarirca.

DANIEL 9:3

Chaimantami Mandac Diospacman cutirishpa, ayunashpa, sharpa churanata churarishpa, uchupata tallirishpa, paita yallita mañarcani.