14 Ashtahuanpish can chashna mana allita ruhuashpaca, Mandac Diostami paita piñaccunaman rimachishcangui. Chaimanta can, cai huarmipi charishca huahuaca huañungatacmi— nirca.
Dios quillcachishcapica: «Cancunamantami mana israelcunaca Diosta mana alli nishpa rimancuna» ninmi.
Mandac Diosca: «Caipica, ¿imatatac ricucuni? Ñuca acllashcacunataca yangami prezu apashca. Prezu apaccunaca yallita llaquichishpami charin. Ñuca shutitapish punzhantami mana alli nishpa rimancuna.
Ñucaca tucui cuyashcacunatami rimani, shinallatac llaquichini. Chaimanta can juchayuc cashcamanta llaquirishpa Diosman cutirishpa, Diospaclla cai.
Chaica, Diosca pitapish cuyashpami llaquichin. Paipac huahuacuna cachun, chasquishpami llaquichin» ninmi.
Mandac Dioslla, can cunashca, cambac mandashcacunata yachachishca causac runaca mai cushimi can.
Apunchic Jesús llaquichishpaca ñucanchicpish cai pachapaclla causaccunahuan ama jatun llaquiman richunmi llaquichin.
Cai pachapica, juchapi urmachiccunaca tiyangallatacmi. Mana tucuringachu. Shina cacpipish, ¡juchapi urmachicca, imachari tucunga!
«Cai pachapi causacpuramantaca cancunallatami ñucaca acllarcani. Chaimantami cancuna mana allita ruhuashcamantaca llaquichisha» ninmi.
Dioslla, ¿maicamantac ñucanchicta llaquichiccunaca pingaichicungalla? ¿Canta piñaccunaca huiñaitachu canta camishpa causagrincuna?
ñucaca: —Cancunaca mana allitachu ruhuacunguichic. Ashtahuanpish, ¿manachu shuctac llactapi causac ñucanchicta piñaccuna ama burlachun, Diosta manchashpa causana canguichic?
Chai quipaca, Natanca huasiman cutircallami. Mandac Diosca Uriaspac huarmipi David charishca huahuataca yallitami unguchirca.
Tucuita Mandac Dioslla, canta yuyarishpa shuyaccuna ñucamanta ama pingaichishca cachun. Israelcunata Mandac Dioslla, canta mashcaccunaca ñucamanta ama llaqui tucuchun.
Ñucanchicta Mandac Dioslla, canmi paicuna mañashcataca cutichic carcangui. Paicuna mana allita ruhuashcataca perdonacmi carcangui. Shina cashpapish paicuna millaita ruhuashcamantaca llaquichicmi carcangui.