2 SAMUEL 11:2 - Dios Rimashcata Quillcashcami

² Shuc punzha ña chishiyanatami Davidca camamanta jatarishpa, pai mandana huasi alto pambapi puricushpa shuc huarmi armaricucta ricurca. Chai huarmica alajami carca.

2 SAMUEL 11:2 Referans Kwoze

SAN MATEO 5:28

Ashtahuanpish ñucaca: Maijanpish shuc huarmita munashpaca, paipac shungupica ña huainayanmi.

SALMOS 119:37

Ñuca ñahui ima mana allicunata ricuchunca ama saquinguichu. Cambac ñanpi alli catingapac sinchiyaichicyari.

1 JUAN 2:16

Tucui cai pachapi tiyac millai munaicunapish, tucui ricushcata charina munaicunapish, charishcacunahuan jatun tucuna munaicunapish mana Diosmantachu shamun, ashtahuanpish cai pachallami chai munaicunataca cun.

HECHOS 10:9

Cayandi punzha, chai runacuna Jope puebloman ñanta chayacucpica, chaupi punzha shina cacpimi, Pedroca pai pozana huasi jahuaman huichicushpa, Diosta mañacurca.

PROVERBIOS 6:25

Chai huarmi sumac cacpipish, ama shungupi munanguichu. Paipac sumac ñahuihuan cambac shunguta shuhuachunpish ama saquinguichu.

JOB 31:1

Ñuca ñahuihuan ima millaita mana ricungapacmi ari nircani. Shina cashpaca, ¿ima nishpatac, carihuan manarac chayarishca solterataca chapashayari?

1 PEDRO 4:7

Tucui ima tiyashcacuna tucurina punzhaca ña chayamucunmi. Chaimanta cancunaca alli yuyaihuan mana shaicushpa, Diosta mañaracuichiclla.

PROVERBIOS 31:30

Ñahuilla sumac cashpaca inquitanllami. Ricuilla sumac cashcapish yangallami can. Ashtahuanpish Mandac Diosta manchac huarmimi alli nishca canga.

DEUTERONOMIO 22:8

Shuc huasita ruhuashpaca, maijanpish ama urmachun terrazapi jarcarinata ruhuangui. Chaimanta maijan urmashpa huañucpica, canmi chai huañushcamantaca juchanchishca cangui.

GÉNESIS 3:6

Shina nicpimi, huarmica chai yurapi cac murutaca micungapac alli cacta, sumaimana ricunalla cacta, shinallatac yachac cangapacpish alli cacta ricurca. Chaimantami chai yuramanta japirca, micurca, cusamanpish cucpi, paipish micurca.

SAN MATEO 10:27

Cancunaman pacallapi nishcataca, achicpi huillanguichic. Ringrillapi huillashcataca, huasi jahua pataman huichicushpa huillanguichic.

JEREMÍAS 19:13

Jerusalenpi tiyac huasi jahuacunapipish, Judá llactata jatun mandaccunapac huasi jahuacunapipish jahua pachapi tiyac lucerocunamanmi inciensota cushnichirca. Shinallatac shuctac dioscunamanpish vinota cushpami tallirca. Chaimantami chai huasicunaca Tofet pamba shinallatac mapayashca” ninmi ningui» nirca.

PROVERBIOS 19:15

Quillanayaimi runataca yallita sueñuchin. Quilla runaca yarcaihuanmi causanga.

2 SAMUEL 4:7

Is-bosetca pai sueñuna camapi sueñucucpimi, ucuman yaicushpa chugrichishpa huañuchirca. Chashna huañuchishpami, umata pitishpa miticushpa tucui tuta Arabá llactata rircacuna.

GÉNESIS 34:2

Chashna ricpimi, chai llactata mandac heveocunapuramanta Hamorpac churi Siquemca chai solterata ricushpa, japirishpa llaquichirca.

GÉNESIS 6:2

Diospac churicunaca chai ushicuna sumaimana cashcata ricushpami, chai huarmicunapuramanta acllashpa cazararca.

2 SAMUEL 4:5

Beerot pueblomanta Rimonpac churi Recab, Baanami chaupi punzha yallita rupai horas Is-bosetpac huasiman pai micushca quipa sueñucucpi chayarca.

1 SAMUEL 9:25

Chai lomamanta puebloman cutimushpami Samuelca huasi jahuapi tiyac pambapi Saulhuan parlanacurca shinallatac samarichunpish shuc camata allichirca.

GÉNESIS 39:6

Potifarca tucui charishcacunata Josepac maquipi churashpami, José ricucucpica, ima tiyashcacunataca mana yuyashpa, micunallata yuyarishpa causacurca. Joseca carilla, sumac ñahui mosomi carca.

SAN MATEO 24:17

Maijanpish huasi jahuapi cashpaca, ama huasi ucumanta imata apangapac uricuchun.

GÉNESIS 12:11

Abram Egiptoman chayagricushpami, paipac huarmi Saraitaca: «Riqui, canca sumac huarmimi cangui.

DEUTERONOMIO 5:21

Ama shucpac huarmita munanguichu. Shinallatac shucpac huasita, chagrata, servic carita, servic huarmita, huagrata, burrota, imatapish ama munanguichu” nircami.

2 SAMUEL 13:1

Davidpac churi Absalonca shuc alaja ñahui Tamar panitami charirca. Chaitami Davidpac churi Amnonca yallita munarca.

2 SAMUEL 14:27

Absalonca quimsa churita, shuc ushitami charirca. Paica Tamar shuti sumac huarmimi carca.

PROVERBIOS 7:8

Chai mosoca plaza esquina cuchuta rishpami chai huarmipac huasiman chayarca.