2 SAMUEL 1:22 - Dios Rimashcata Quillcashcami

²² Jonatanpac arcoca yahuarpi mana chapurishcaca jaicapi mana shamucchu carca. Saulpac espadapish, paita piñaccunapac yahuarpi mana chapurishcaca jaicapi mana shamucchu carca.

2 SAMUEL 1:22 Referans Kwoze

1 SAMUEL 18:4

Jonatanca paipac churanata llucchishpami shuctac churanacunandi Davidman curca. Shinallatac paipac espadatapish, arcotapish, chumbitapish curcami.

DEUTERONOMIO 32:42

Ñuca espadaca yahuarsapa tucungami. Huañushcacunapac, prezucunapac, jatun acchata charic ñucata piñaccunapac yahuarhuanmi cahuiringa.

1 SAMUEL 14:47

Saulca Israel llactapi jatun mandac tucushpami, muyundi llactapi causac paita piñac Moab, Amón, Edom llactapi causaccunahuan, Soba llactata jatun mandac-huan, filisteocunahuan macanacurca. Maiman rishpapish paica aticmi carca.

1 SAMUEL 14:48

Shinallatac achca soldadocunata tandachishpami amalecitacunahuan macanacushpa atirca. Chashnami israelcunataca paicunapac ima charishcata quichuccunapac maquimanta quishpichirca.

JEREMÍAS 50:9

Ñucami jahua llactamanta Babilonia llactata llaquichichun, sinchi llactacunata tandachishpa pushamugrini. Chai llactacuna allichirishpa shamushpami macanacushpa mishanga. Chai runacunaca mana pandarishpa, allita flechacunata shitac runacunami.