2 REYES 9:11 - Dios Rimashcata Quillcashcami

¹¹ Quipata Jehú paita mandacta serviccunapacman llucshicpi paicunaca: —¿Tucuichu alli? ¿Chai juizhu illacca imapactac cambacman shamushca?— nirca. Shina nicpi, Jehuca: —Chai runataca cancunallatac ricsinguichicmi. Pai imata nishcatapish yachanguichicmi— nirca.

2 REYES 9:11 Referans Kwoze

JEREMÍAS 29:26

‘Mandac Diosmi cantaca Joyada curapac randi, paipac huasipi ricuchun, shinallatac maijan juizhu illac runa Dios ima nishcata huillac tucushpa, huillai callaricpi, caspipi chaquita canichishpa prezuchun churarca’ nicurcami.

HECHOS 26:24

Pablo sinchita rimacucpimi, jatun mandac Festoca: —¡Pablo, yuyai illacmi cangui! ¡Yallimana yachacushpachari, yuyai illac tucunguiyari!— nishpa, sinchita rimarca.

SAN JUAN 10:20

Paicunapuramanta taucacunami: —¿Ima nishpatac paita uyanguichic? Paica supaihuanmi, shinallatac yuyai illacmi— ninacurca.

OSEAS 9:7

¡Llaquichina punzhacunami chayamun! ¡Paicuna japina punzhacunami pactamun! ¡Chaitaca israelcunami yachanga! Chaica, cancunallatac yalli juchata ruhuashcamanta, yalli millai yuyaihuan cashcamantami Dios ima nishcata huillactaca: “Yuyai illacmi” ninguichic. Cutin Diospac Espirituta charic runataca: “Locomi” ninguichic.

MARCOS 3:21

Jesús chaipi cacpimi, paipac familiacunaca: «Yuyai illacmi tucushca» nishpa, pushangapac shamurca.

2 REYES 9:22

Joramca Jehuhuan tapushpaca: —Jehú, ¿allipacchu shamungui?— nirca. Shina nicpimi paica: —Cambac mama Jezabel yallita huainayashpa, yallita brujiashpa causacucpica, ¿maitatac allipac shamushayari?— nirca.

2 REYES 9:19

Chaimantami shuctac soldadota caballopi montachishpa cacharca. Chai soldado chayashpaca: —Jatun mandacca: “¿Allipacchu shamungui?” ninmi— nirca. Shina nicpimi Jehuca: —Canca ¿imapactac allipacchu shamungui ningui? ¡Ñucahuan tandanacungapac shamui!— nirca.

2 REYES 9:17

Jezreel torre jahuapi runa Jehú achca soldadocunahuan shamucucta ricushpaca: —¡Achca soldadocuna shamucuctami ricuni!— nirca. Shina nicpimi Joramca: —Caballopi ric shuc soldadota cayashpa: “¿Allipacchu shamucungui?” nishpa tapuchun cachai— nirca.

2 REYES 5:21

Shina yuyacushpami, Giezica Naamanta catishpa rirca. Shina paita caticta ricushpami, Naamanca tupangapac paipac carretamanta uricushpaca: —¿Ima llaquitac tucungui?— nishpa tapurca.

2 CORINTIOS 5:13

Yuyai illaccuna shina cashpaca, Diospacmi chashnaca canchic. Alli yuyaihuan cashpaca cancunapac allipacmi canchic.

1 CORINTIOS 4:10

Ñucanchicca Cristota caticushcamantami imata mana yachac, upacuna tucushcanchic. Cutin cancunaca Cristohuan shuc shinalla tucushpaca yachaccunami tucushcanchic. Ñucanchicca irquiyashcami canchic, Cutin cancunaca sinchimi canguichic. Cancunaca tucuipac alli nishcami canguichic, ñucanchicca mana alli nishcami canchic.

HECHOS 17:18

Maijan Epicúreos nishca, estoicos nishca yachaccunamantapish Pablohuan rimanacungapacmi tandanacurca. Jesusmanta alli huillaita, shinallatac huañushcacuna causarinamanta Pablo huillacucpica maijanca: —Cai rimaridu runaca ¿imatatac nicun?— nirca. Cutin maijanca: —Paica shuc dioscunamanta yachachicmi yuyachin— nirca.

ISAÍAS 59:15

Cashcata rimanaca tucurishcami. Millaita ruhuanata saquishca runacunamantaca tucui pai charishcatami shuhuancuna. Mandac Diosca allita ruhuanata saquishcata ricushpami yallita piñarirca.

2 REYES 4:26

Cunanca, paita tupangapac callpai. Paita tupashpaca: “¿Allillachu cangui? ¿Cambac cusapish allillachu? ¿Cambac huahuapish allillachu?” ningui— nirca. Shina nicpi, chai huarmica: —Allillami canchic— nirca.

2 REYES 9:2

Chaiman chayashpaca, Nimsipac nieto Josafatpac churi Jehutami ricungui. Paitaca huauquicunapac ladomantaca shuc ucuman pushangui.

2 REYES 9:12

Shina nicpimi paicunaca: —¡Ama llullaichu! ¡Pai ima nishcata huillai!— nircacuna. Shina nicpimi paica: —Cashna chashna nishpami: “Mandac Diosca: Ñucami cantaca Israel llactata jatun mandac cachun aceitehuan cahuini” ninmi— nishpami huillarca.