2 REYES 7:5 - Dios Rimashcata Quillcashcami

⁵ Chashna nishpami, paicunaca ña amsayanata siriocunapac carpacuna shayachishca pambaman rircacuna. Chai carpacunaman chayacpica, tucuimi illashca carca.

2 REYES 7:5 Referans Kwoze

DEUTERONOMIO 28:7

Cancunata piñaccuna jatarishpa, cancunata llaquichingapac jataricpica, Mandac Dios ayudacpimi, cancunaca mishanguichic. Cancunata macangapacca shuclla ñantami shamungacuna, ashtahuanpish cancunapac ñaupamantaca canchis ñantami callpangacuna.

EZEQUIEL 12:12

Cancunata mandacca amsayanata quipita humbroschishpami, pircata jutcushpa llucshi ringa. Llactata mana ricungapacca, ñahuitami taparinga.

1 SAMUEL 30:17

Chaipimi Davidca manarac alli achicyacpi macai callarishpaca, cayandi punzha chishiyangacaman chugrishpa huañuchirca. Chai runacunamantaca shucllapish mana atircachu. Ashtahuanpish chuscu patsac mosocunallami camellocunapi montashpa ati rirca.

DEUTERONOMIO 32:30

Jatun Rumi shina Diosllatac mana mishachishca cacpica, ¿ima shinatac shuclla runa huaranga genteta callpachinga? ¿Ima shinatac ishcailla runa chunga huaranga genteta catishpa cachanga?

DEUTERONOMIO 32:25

Canzhapica espadacunahuan tucuchinga. Ucupica yalli manchaimi tucuchicunga. Chashnami mosocunatapish, solteracunatapish, chuchucuc huahuatapish, yuyaccunatapish tucuchinga.

LEVÍTICO 27:26

Tucui punta huacharishcaca Mandac Dios ñucapacmi. Chaimantami huagrapish, ovejapish ñucapaclla cachun mana chicanyachi pudinga.

LEVÍTICO 27:8

Ashtahuanpish huaccha cashcamanta mana pagai pudicpica, curapacmanmi apana can. Chaipimi curaca mashnata pagai pudishcata pagachinga.

2 REYES 7:4

Cai puebloman yaicushpaca, yallita yarcai tiyashcamanta huañushunmi. Cutin caipi saquirishpapish huañushunllatacmi. Cunanca, siriocunapac carpacunaman rishunchic. Paicuna mana huañuchicpica, causashunmi, cutin huañuchicpica huañushunchari— nirca.

2 REYES 7:6

Mandac Diosca siriocunapac carpacuna shayachishca pambapica macanacuna carretacuna, caballocuna, shinallatac achca soldadocuna bullashpa uyarishca cachunmi ruhuashca carca. Chaita uyashpami, paicunaca caishuc chaishuc parlanacushpaca: «Israel llactata mandacmi ñucanchicta llaquichichun heteocunata, Egipto runacunata jatun mandaccunata cayashca canga» nircacuna.