2 REYES 7:10 - Dios Rimashcata Quillcashcami

¹⁰ Chaimantami paicunaca Samaria pueblo yaicunapi cuidac soldadocunapacman rishpaca: «Ñucanchicmi siriocunapac carpacuna shayachishca pambaman rircanchic. Chaipica pipish mana ricurircachu. Maijan parlashcallapish mana uyarircachu, ashtahuanpish caballocuna, burrocunallami huatashca shayacurca. Carpacunapish ima shina shayachishca shinallatacmi carca» nircacuna.

2 REYES 7:10 Referans Kwoze

SALMOS 127:1

Mandac Dios mana huasichicpica, yangallami huasichic runacunaca huasichincuna. Mandac Dios pueblota mana cuidacpica, yangallami cuidaccunaca cuidancuna.

2 REYES 7:11

Shina nicpimi, pungupi cuidaccunaca jatun mandacpac huasiman rishpa huillarcacuna.

2 SAMUEL 18:26

chai chapac runaca shuctac runa callpashpa shamucuctami ricurca. Chaimantami chai chapac runaca pungupi cuidac runata cayashpaca: «¡Shuctac runami, pailla callpamucun!» nirca. Shina huillacpimi jatun mandacca: —Chai runapish alli huillaihuanmi shamun— nirca.

2 REYES 7:9

Cutin quipata caishuc chaishuc parlanacushpaca: —Ñucanchicca mana allitachu ruhuacunchic. Cunanca cai alli huillaita huillana punzhami. Shina cacpipish, mana huillashpami upalla canchic. Caya pacaringacaman mana huillashpaca, ñucanchicmi juchanchishca cashun. Shina cashcamanta cunanllata jatun mandacpac huasiman rishpa, cai alli huillaita huillagrishun— nircacuna.

1 CRÓNICAS 15:18

Shinallatac paicunahuan quipa mandaccuna cachunca Zacariasta, Jaazielta, Semiramotta, Jehielta, Unita, Eliabta, Benaiata, Maasiasta, Matatiasta, Elifelehuta, Micniasta, Obed-edomta, shinallatac Jeieltami acllarca. Paicunaca punguta cuidaccunami carca.

1 CRÓNICAS 16:38

Shinallatac Obed-edomtapish, sucta chunga pusac paipac huauquicunahuanmi saquirca. Cutin Jedutunpac churi Obed-edomta, shinallatac Hosataca pungupi cuidachunmi saquirca.

2 CRÓNICAS 23:19

Ima mana allita ruhuashpa mapayashca gentecuna imamantapish Mandac Diospac huasiman ama yaicuchunmi pungucunapipish cuidaccunata churarca.