2 REYES 4:16 - Dios Rimashcata Quillcashcami

¹⁶ Eliseoca: —Cai shamuc huata, cunan shina punzhapica shuc huahuatami marcashca cangui— nirca. Shina nicpi, chai huarmica: —¡Ñuca mandaclla, Diospac runalla! ¡Canta servic ñucataca ama yanga crichichu!— nirca.

2 REYES 4:16 Referans Kwoze

GÉNESIS 18:10

Shina nicpimi paicunaca: —Cunan shina shamuc huatami caiman cutimusha. Chaica, chashnatacmi canga. Chai punzhami cambac huarmi Saraca shuc cari huahuata charinga— nirca. Chashna parlanacucuctaca Saraca Abrahampac huasha carpa huasi pungupimi uyashpa shayacurca.

SAN LUCAS 1:13

Ashtahuanpish angelca: —Zacarías, Diosca can mañashcata uyashcami. Ama mancharichu. Cambac huarmi Elisabetca cari huahuatami charinga. Chai huahuataca Juantami shutichingui.

2 REYES 4:28

Shina nicpi, chai huarmica: —Amito, ñucaca mana huahuata mañarcanichu. Huahuata charigringuimi nicpica, ¿manachu ñucaca ama yanga crichishpa cushichichun?— nircani.

GÉNESIS 17:21

Ashtahuanpish ñuca ari nishcataca Isaac-huanmi callarichisha. Cambac huarmi Saraca shamuc huata, cai shina punzhapimi cari huahuata charinga— nirca.

SALMOS 116:11

Yalli llaquihuan musparishpami: «Tucui gentecunami llullaccuna» nircani.

2 REYES 2:19

Jericó pueblopi causaccunami Eliseotaca: —Riqui, cai puebloca ñuca amo ricushca shinallatac alli pushtupimi. Shina cashpapish yacuca mana allichu. Shinallatac allpapish mana pucuc allpachu— nirca.

1 REYES 17:18

Chaimantami chai huarmica Eliastaca: —Diospac runa cantaca ¿Ima mana allitatac ruhuashcaniyari? ¿Ñuca juchacunata yuyachishpa, ñuca cari huahuata huañuchingapacchu ñucapacman shamurcangui?— nirca.

1 REYES 18:9

Shina nicpimi Abdiasca: —Canta servic ñucata Acab huañuchichun, paipac maqui churachunca ¿Ñucaca ima juchatatac ruhuashcaniyari?

2 REYES 4:15

Shina nicpimi Eliseoca: —Chai huarmita cayai— nirca. Shina chai huarmita cayacpi, shamushpa pungu yaicunapi shayaricpimi,

2 REYES 4:17

Shina cashpapish, caishuc huatapica Eliseo nishca punzhallapitacmi huicsayuc tucushpa, shuc cari huahuata charirca.

1 REYES 17:24

Chaimantami chai huarmica Eliastaca: —¡Diospac runa cactaca cunanmi yachani! ¡Mandac Diospac shimitapish mana llullashpa huillashcataca cunanmi yachani!— nirca.