2 REYES 4:1 - Dios Rimashcata Quillcashcami

¹ Dios ima nishcata huillacpuramanta shuc runapac churipac huarmimi Eliseotaca: —Canta servic ñuca cusaca huañushcami. Canta servic ñuca cusa Mandac Diosta servic cashcataca canllatac yachanguimi. Shina cacpipish, ñucanchicman cullquita mañachic runami, ñuca ishcai huahuacunata paita servic cachun apangapac shamushca— nirca.

2 REYES 4:1 Referans Kwoze

SAN MATEO 18:25

Pai cutichingapac cullquita mana charicpimi, chai mandacca huarmitapish, huahuacunatapish, tucui charishcacunatapish catuchun mandarca.

2 REYES 2:3

Chaiman chayacpimi, Dios ima nishcata huillaccuna Eliseota tupangapac llucshishpaca: —¿Mandac Dios canta mandacta quichushpa cunan apagricuctaca yachanguichu?— nirca. Shina nicpimi Eliseoca: —Ari, yachanimi, upalla cailla— nirca.

APOCALIPSIS 19:5

Chai quipaca mandashpa tiyarinamantami shuc rimashca uyarishpaca: «¡Diosta cazushpa paipacta ruhuaccunaca uchillacunapish, jatuncunapish ñucanchicta Mandac Diosta alabaichic!» nirca.

SAN MATEO 18:30

Chashna mañacpipish, chai runaca mana uyarcachu, ashtahuanpish carcelpimi debita cutichingacaman churarca.

MALAQUÍAS 4:2

Ashtahuanpish ñuca shutita manchac cancunamanca cashcata ruhuac intimi llucshinga. Paipac alascunapimi quishpirinataca apamunga. Chaimantami becicuna chuchushca quipa saltashpa llucshic shina saltanguichic.

MALAQUÍAS 3:16

Chaimantami Mandac Diosta manchaccunaca cada quiquin ricsishcacunaman parlarca. Chai parlashcataca Mandac Diosca tucuita uyashpami, paipac yuyarina libropi quillcarca. Mandac Diosta manchashpa causaccunapac, paipac shutita alli nishpa causaccunapac allipacmi chashna quillcarca.

SALMOS 147:11

Mandac Diosca paita manchaccunahuan shinallatac pai llaquichun shuyaccunahuanmi cushicun.

SALMOS 103:17

Ashtahuanpish paita manchaccunataca ñaupamanta huiñaicamanmi cuyacunlla. Shinallatac huahua huahuacunacamanmi cashcata ruhuacungalla.

SALMOS 103:11

Cai pachamantaca jahua pachaca ashtahuanmi jahuaman. Chai shina jatun cuyaitami charin. Paita manchaccunataca yallitami cuyan.

1 SAMUEL 22:2

Shinallatac llaquichishca runacunapish, debiyuc runacunapish, shungupi llaquilla caccunapish Davidhuanmi tandarircacuna. Davidca paicunata pushacmi tucurca. Paica chuscu patsac shina runacunatami charirca.

APOCALIPSIS 15:4

¡Mandac Dioslla! ¿Pitac cantaca mana manchangayari? ¿Pitac cantaca mana alli ningayari? Canllami jucha illac cangui. Chaimantami tucui llactacunapi causaccuna shamushpa, cantaca alli ningacuna. Can ruhuashcacunaca tucuimi alli ricurishca» nicurcacuna.

SANTIAGO 2:13

Shuccunata mana llaquiccunataca, paicunatapish mana llaquishpami, Diosca taripashpa llaquichinga. Ashtahuanpish shuccunata llaquiccunataca, taripana punzhapica alli ningami.

HECHOS 13:26

Abrahammanta mirarishca huauquicunalla, Diosta manchac, mana israelcunapish cai quishpirinamanta huillashcaca cancunamanmi.

SAN MATEO 18:35

Jesusca: —Chashnallatacmi jahua pacha Taitapish cancunapura tucui shunguhuan mana perdonanacucpica ruhuanga— nirca.

JEREMÍAS 34:14

Hebreopuramanta maijan cancunaman caturishpa servicucpica, cada canchis huatapi cacharinguichic. Sucta huatallata servichishpa charinguichic nircanimi. Ashtahuanpish cancunapac ñaupa taitacunaca mana uyarcachu, shinallatac mana cazurcachu.

ECLESIASTÉS 12:13

Cai tucui yachachishca uyashca quipaca, ña tucuchingapacca tucurina rimaicunatami nini. Diosta manchangui. Pai mandashcacunata pactachingui. Tucui caicunatami runacunaca ruhuana can.

ECLESIASTÉS 8:12

Juchayuc runa patsac cutin millaita ruhuacpipish unaita causacpipish, ñucaca Diosta manchashpa, paipac ñaupapi allita causac runa alli llucshic cashcatami yachani.

NEHEMÍAS 10:31

Chashnallatac samana punzhapi, Diospaclla chicanyachishca punzhapi shuc llacta gentecuna imacunata, granocunata, mana cashpaca ima shuctac micunacunata catungapac shamucpi, mana randingapac. Shinallatac canchis huata tucucpica, allpacunatapish samachingapac, debicunatapish perdonangapac.

NEHEMÍAS 7:2

Chai quipaca ñuca huauqui Hananita, shinallatac uchilla pueblota mandac Ananiastaca Jerusalenpi tiyac torrepi cuidaccunata mandachunmi churarcani. Paicunaca cashcata ruhuac, Diosta manchaccunami carca.

2 REYES 4:38

Eliseoca achca yarcai punzhacunami Gilgal puebloman cutimurca. Dios ima nishcata huillaccunapac churicunapish chaipimi paihuan carca. Chaimantami Eliseoca paita servic runataca: «Dios ima nishcata huillaccunaman carangapac jatun mangapi yanui» nirca.

2 REYES 2:5

Chaiman chayacpimi, Dios ima nishcata huillaccuna Eliseota tupangapac llucshishpaca: —¿Mandac Dios canta mandacta quichushpa cunan apagricuctaca yachanguichu?— nirca. Shina nicpimi Eliseoca: —Ari, yachanimi, upalla cailla— nirca.

1 REYES 20:35

Shina cacpimi, Dios ima nishcata huillaccunapuramanta shucca Diosllatac mandacpi caishuc huillactaca: —¡Ñucata huactai!— nirca. Ashtahuanpish chai huillacca mana huactanata munarcachu.

1 REYES 18:3

Chaimantami Acabca paipac mandana huasipi ricuchun churashca Abdiasta cayarca. Abdiasca Mandac Diosta manchac runami carca.

LEVÍTICO 25:48

randic runaman cullquita cutichishpa, cacharichi pudinguichicmi. Caitaca maijanpish paipac huauquillatacmi cacharichi pudin.

GÉNESIS 22:12

Shina nicpimi angelca: —Huambrapac jahuapica ama maquita churaichu, ama imata ruhuaichu. Diosta manchashpa, cambac cuyashca shuclla churita mañacpi, mana misashcataca ña yachanimi— nirca.

SALMOS 115:13

Mandac Diosta manchaccunataca jatuncunatapish, uchillacunatapish bendiciangami.

2 REYES 6:9

Chaimantami Diospac runaca Israel llactata jatun mandactaca: «Riqui, Siria soldadocunaca chai pushtutami pasagricun. Chaimanta ama chai pushtuta pasanguichicchu» nichun huillaccunata cacharca.

ISAÍAS 50:1

Mandac Diosca: «¿Maipitac cancunapac mama shina, Israel llactata shitashcata ricuchic quillcaca? Mana cashpaca, ¿pimantac debimanta caturcani? Riquichic, cancuna mana allita ruhuashcamantami catushca carcanguichic. Cancunallatac mana cazushcamantami cancunapac mama shina, llactaca millana tucushca.

RUT 1:3

Ashtahuanpish Noemipac cusa Elimelecca huañurcami. Noemica paipac ishcai cari huahuacunallahuanmi saquirirca.

2 REYES 2:7

Chaiman chayashpaca, Jordán yacu ladopimi ishcaita shayarirca. Chaipi shayacucpimi, Dios ima nishcata huillaccunapac pichca chunga churicuna shamushpa, paicunamanta carupi shayarirca.

2 REYES 2:15

Jordán yacu chimbapi tiyac Jericó pueblopimi, Dios ima nishcata huillaccunapac churicunaca shayacurca. Chaipimi paicunaca: «¡Eliaspac espirituca Eliseopimi causacun!» nirca. Shina nishpami, Eliseopacman rishpa, pambacaman cumurircacuna.

PROVERBIOS 22:7

Chayuc runaca huacchacunapac mandacmi tucun. Cullquita mañac runaca mañachic runapac randishca shinami tucun.