2 REYES 23:3 - Dios Rimashcata Quillcashcami

³ Chai quipami jatun mandacca pilar ladopi shayarishpa Mandac Diosta catishun nishpa, Mandac Diospac ñaupapi ari nircacuna. Pai mandashcacunatapish, pai yachachishcacunatapish pactachishun pai rimashca shimicunatapish, Dios-huan ari nishcatapish, chai libropi quillcashcatapish tucui shunguhuan, tucui almahuan pactachishun nishpami ari ninacurca. Chashnami Dios ari nishcataca tucui gentecuna pactachishun nircacuna.

2 REYES 23:3 Referans Kwoze

2 REYES 11:14

Chaiman yaicushpami, jatun mandactaca ima shina shayarina cashca shinallatac, pilar ladopi shayacucta ricurca. Shinallatac mandaccunapish, trompetapi tocaccunapish jatun mandacpac ladopi shayacurca. Chai llactapi causaccunapish trompetapi tocashpa, yallita cushicucucta ricushpami, Ataliaca paipac churanata lliquirishpaca: «¡Umashcamari! ¡Umashcamari!» nishpa caparirca.

2 REYES 11:17

Chai quipaca Joiada curami jatun mandactapish, gentecunatapish Mandac Diosman imata ruhuashpa pactachichun, Mandac Diospaclla causachun ari nichirca. Shinallatac jatun mandactapish, chai gentecunatapish ari nichircami.

DEUTERONOMIO 13:4

Mandac Diosllata catinguichic. Paita manchanguichic. Pai ima nishcata uyashpa, pai mandashcacunata pactachinguichic. Paillata servishpa catinguichic.

HEBREOS 13:20

Cushi causaita cuc Diosmi, ñucanchic Apunchic Jesustaca huañushcacunapuramanta causachirca. Paimi yahuarta jichashpa, Dios-huan huiñaipac ari nishcata pactachishpa, ñucanchic Jatun Michic tucurca.

HEBREOS 12:24

Mushuc ari ninacuita pactachic Jesuspacman, pai ñucanchicmanta jichashca yahuarmanmi chayarcanguichic. Chai yahuarmi Abelpac yahuarta atishpa, Dios ruhuasha nishcata ashtahuan allita ricuchin.

JEREMÍAS 50:5

Sionman rina ñanta tapushpami, chai ñanta catishpa, Mandac Dios ñucahuan ari ninacushpa, huiñaita mana cungarishpa causangapac shamunga.

JEREMÍAS 4:2

Mandac Dios ñucapac shutipi ari nishpaca, mana llullashpa cashcata nichic. Shina ruhuacpica, shuctac llactacunapi causaccunapish, ñucamantami bendiciashca canga. Ñucahuanmi cushicunga.

ECLESIASTÉS 8:2

Dios-huan ari nishcamanta jatun mandac mandashcata cazungui nishpami alli yuyaita cuni.

NEHEMÍAS 9:38

Tucui cai llaquicunamantami, ñucanchicca pactachingapac ari nishpa quillcanchic. Chai quillcapica ñucanchic mandaccuna, levitacuna, curacunami firmancuna.

ESDRAS 10:3

Chaimanta cunanca, Dios mandashcata manchaccuna yuyashca shina, mandashcapi nishca shina tucui mana Israel huarmicunatapish, paicunapac huahuacunatapish llucchishpa cachangapac ñucanchic Dios-huan ari ninacushun.

2 CRÓNICAS 29:10

Cunanca, Mandac Dios israelcunahuan yallita piñarishcamanta alli tucuchunmi paihuan ari ninacungapac yuyarircani.

2 CRÓNICAS 23:16

Chai quipami Joiada curaca paipish, tucui gentecunapish, jatun mandacpish Diospaclla tucungapac ari nircacuna.

2 CRÓNICAS 23:13

Chaiman chayashpaca, jatun mandac Diospac huasiman yaicunapi shayacuc pilar ladopi shayacucta, shinallatac jatun mandacpac ladopica macanacuccunapish, trompetapi tocaccunapish shayacuctami ricurca. Chai llactapi causac tucui gentecunapish yallita cushicushpami shuccunaca bocinapi tocarcacuna. Cantaccunapish tocanacunapi tocashpa Diosta alli nishpa shayacuctami ricurca. Chaita ricushpami Ataliaca pai churarishcata lliquishpaca: «¡Ñucataca huashallami llucchishcacuna!» nishpa caparirca.

DEUTERONOMIO 29:1

Mandac Diosca Horeb urcupimi israelcunahuan ari ninacurca. Chaipi ari nishca jahuami Mandac Diosca Moab llactapipish israelcunahuan ari ninacuchun Moisesta mandarca.

DEUTERONOMIO 11:13

Cunan ñuca yachachishca cazushpa, Mandac Diosta tucui shunguhuan, tucui almahuan servishpa, paita cuyacpica,

DEUTERONOMIO 10:12

Israelcunalla, ¿imatatac Mandac Diosca ruhuachun nin? Mandac Diosca paita manchashpa, pai munashca shina causachun, tucui shunguhuan, tucui almahuan, paillata cuyachun,

DEUTERONOMIO 8:19

Ashtahuanpish canta Mandac Diosta cungarishpa, shuctac dioscunata catishpa paicunapac ñaupapi cumurishpa, adorashpaca, tucuimi tucuringuichic nishpami huillani.

DEUTERONOMIO 6:5

Mandac Diostaca tucui shunguhuan, tucui yuyaihuan, tucui munaihuan cuyangui.

DEUTERONOMIO 6:1

Cancuna allpata japishpa, chaipi causashpa, cazuchunmi Mandac Diosca cai mandashcacunatapish, pactachinacunatapish, yachachishcacunatapish yachachichun mandarca.

DEUTERONOMIO 4:45

Egipto llactamanta israelcuna llucshishca quipa Moisés paicunaman huillashca mandashcacuna, pactachinacuna, ima shina causanata yachachishcacunaca caicunami.

ÉXODO 24:3

Moisés cutishpaca, Mandac Dios nishcacunatapish, tucui mandashcacunatapishmi israelcunaman huillarca. Shina huillacpimi, israelcuna shuc shinalla tucushpaca: —Mandac Dios tucui imata nishcacunataca pactachishunllami— nirca.

JEREMÍAS 34:8

Jatun mandac Sedequiasca serviccunata cacharichingapacmi tucui Jerusalenpi causaccunahuan ari ninacurca. Chai quipami Mandac Diosca Jeremiasman huillarca.

JEREMÍAS 34:15

Cancunata servic huauquicunata cacharishpaca ñuca mandashcatami ruhuanguichic. Allita ruhuasha nishpami, ñucata mañana huasipi, ñucapac ñaupapi ari ninacushpa, paicunata cacharircanguichic.

2 CRÓNICAS 15:15

Chashna tucui shunguhuan, tucui munaihuan ari nishpa Diosta mashcashcamantami Judá llactapi causaccunaca cushicurca. Tucui paicuna mashcashcamantaca Mandac Diosca chasquircami. Paicunapac tucui llactacunapica sumac causaimi tiyarca.

NEHEMÍAS 5:13

Shinallatac ñuca churanata chaspirishpaca: —Caita mana pactachiccunataca, quiquin huasimanta, allpamantapish Dios cashna chaspic shina cachachun. Cashna chaspishca shina chushaclla saquirichun— nircani. Shina nicpi, tucui tandanacushca gentecunaca: —¡Chashna cachun!— nirca. Chashnami tucui gentecuna Mandac Diosta alli nishpa, paicuna nishca shina ruhuarcacuna.

NEHEMÍAS 10:1

Paicunapac shuticunata quillcashpa firmaccunaca: Hacaliaspac churi mandac Nehemías, Sedequías,