2 REYES 23:2 - Dios Rimashcata Quillcashcami

² Chai quipami jatun mandacca Judá llactapi tucui causaccunahuanpish, Jerusalenpi tucui causaccunahuanpish, curacunahuanpish, Dios ima nishcata huillaccunahuanpish, tucui gentecunahuan Mandac Diospac huasiman uchillamanta callarishpaca yuyaccunacaman rirca. Chaipimi libropi ima nicushcata rezashpa uyachirca. Dios ari nishpa quillcashca libropi tucui ima nicushcatami uyarcacuna. Chai librotaca Mandac Diospac huasipimi tarishca carca.

2 REYES 23:2 Referans Kwoze

2 REYES 22:8

Shina nicpimi, curacunata mandac Hilcías curaca quillcac Safantaca: «Mandashcata quillcashca librotami Mandac Diospac huasipi tarircani» nirca. Shina nishpami chai librotaca Safanman curca. Pai japishpaca rezarcami.

APOCALIPSIS 20:12

Chaipica huañushcacunatami jatuncunatapish, uchillacunatapish mandashpa tiyarinapac ñaupapi shayacucta ricurcani. Shinallatac librocunapish pascashcami carca. Huiñaita causangapac rina libropi quillcashcatapish pascashcatami ricurcani. Chai huañushcacunaca paicuna imata ruhuashca librocunapi quillcashca cashca shinami taripashca carca.

HECHOS 26:22

Chaipi Dios ñucata cuidashcamantami uchillacunamanpish, jatuncunamanpish huillacuni. Dios ima nishcata huillaccuna huillashcallata, Moisés quipaman ima tucunata huillashcallatami huillacuni.

SALMOS 115:13

Mandac Diosta manchaccunataca jatuncunatapish, uchillacunatapish bendiciangami.

JOB 3:19

Uchillapish, jatunpish, chaillapitacmi can. Servishpa causaccunapish, amopac maquimantaca cacharishcami cancuna.

ESTER 1:5

Chai punzhacuna quipami pai mandana huasi canzhapi canchis punzhata Susa pueblopi causac alli nishca gentecunamanpish, yangalla gentecunamanpish jatun micuita ruhuarca.

NEHEMÍAS 13:1

Chai punzhapica Moisés quillcashcatami tucui gentecunapac ñaupapi rezarca. Chai quillcapica moabitacunapish, amonitacunapish Dios acllashcacunahuanca mana tandanacungachu nishpa quillcashcami taririrca.

NEHEMÍAS 9:3

Chaipi shayarishpami, quimsa horascaman paicunata Mandac Dios mandashpa quillcachishcata rezashpa, cutin shuc quimsa horastaca paicunapac juchata huillashpa paicunata Mandac Diosta alli nircacuna.

2 CRÓNICAS 17:9

Paicunami Mandac Dios mandashpa quillcachishcata apashpa, tucui Judá llactapi cac pueblocunapi yachachirca.

2 CRÓNICAS 15:13

Israelcunata Mandac Diosta mashcanata mana munaccunataca yuyac cachun, huahua cachun, cari cachun, huarmi cachun huañunami can nircacuna.

1 REYES 8:9

Diospac Arcapica ima shucca mana tiyarcachu. Horeb urcupi cashpa, Moisés churashca ishcai tabla rumicunallami tiyacurca. Chai rumicunapica, Egiptomanta llucshimucpi, Mandac Dios israelcunahuan ari nishcatami quillcashca carca.

1 SAMUEL 30:2

Paicunaca huarmicunatapish, tucui chaipi causaccunatapish, huahuacunamanta pacha callarishpami, yuyaccaman prezushpa aparca. Shina apashpapish shucllatapish mana huañuchircacunachu.

1 SAMUEL 5:9

Chai puebloman apacpimi, Mandac Diosca chai pueblopi causaccunahuan piñarishpa, yallita llaquichirca. Chai pueblopi causaccunataca uchillacunamanta callarishpaca yuyaccunacamanmi chupu ungüihuan manchanayaita llaquichirca.

DEUTERONOMIO 31:26

«Mandashcacunata quillcashca librota japishpa, Mandac Dios-huan ari nishca quillcata huacaichina Arca ladopi churaichic. Chaipimi cancunata llaquichinata ricuchishpa tiyacunga.

GÉNESIS 19:11

Huasi pungupi cac gentecunataca huambracunamanta callarishpa, yuyaccunacamanmi mana ricucta ruhuarca. Chaimantami chai gentecunaca punguta mashcacushpalla shaicurcacuna.

JEREMÍAS 34:8

Jatun mandac Sedequiasca serviccunata cacharichingapacmi tucui Jerusalenpi causaccunahuan ari ninacurca. Chai quipami Mandac Diosca Jeremiasman huillarca.