2 REYES 21:3 - Dios Rimashcata Quillcashcami

³ Paipac taita Ezequías lomacunapi tiyac altarcunata urmachishcataca paimi cutin shayachirca. Baal diosmanpish altarcunata ruhuarcami. Israel llactata jatun mandac Acab ruhuashca shinallatacmi Asera huarmi diostapish charirca. Jahua pachapi tiyac tucui lucerocunatapish alli nishpami adorarca.

2 REYES 21:3 Referans Kwoze

2 REYES 18:4

Paimi lomacunapi tiyac altarcunata anchuchishpa, imamanpish riccha dioscunata paquirca. Asera huarmi diosta yuyarina yuracunata pitishpami, Moisés ruhuachishca bronce culebratapish paquirca. Chai punzhacamanmi israelcunaca inciensota rupachishpa carcacuna. Chaimantami Nehustán nishpa shutichirca.

2 REYES 17:16

Paicunata Mandac Dios mandashcacunata saquishpami, curita yacuyachishpa ishcai beci dioscunata ruhuarca. Shinallatac Asera huarmi diosman ricchacunatapish ruhuarca. Jahua pacha lucerocunatapish, Baal diostapish servircacuna.

DEUTERONOMIO 17:3

shuctac dioscunata servishpa, chai dioscunapac ñaupapi cumuricucta, mana cashpaca intita, quillata, tucui lucerocunata adoracucta, chashna ñuca ama ruhuachun nishcacunata ruhuacucta

DEUTERONOMIO 4:19

Pacta jahua cielota ricushpa, intita, quillata, lucerocunata, tucui jahua cielopi tiyashcata ricushpa cungurishpa adoranguichicman. Chaicunataca Mandac Diosmi tucui cai pachata achicyachichun ruhuarca.

MIQUEAS 6:16

Jatun mandac Omri mandashcacunallatacmi pactachircangui. Acab aillucuna imata ruhuashpa causashcatami ruhuashpa purircangui. Chaimantami llaquinayaita tucuchisha. Cai llactapi causaccunatapish burlashpa asingacunami. Canmantami ñuca acllashcacunaca pingaichishca canga» ninmi.

JOB 31:26

inti achicyachicpi, quilla achicyachicpi, chapashca cashpa,

2 CRÓNICAS 34:3

Josiasca ña pusac huatata mandacushpa, huambrarac cashpami, paipac ñaupa taita Davidpac Mandac Diosta mashcai callarirca. Chunga ishcai huatata mandacushpami, lomacunapi tiyac altarcunata, Asera huarmi diosta yuyarina yurata, labrashpa ruhuashca dioscunata, yacuyachishpa ruhuashca dioscunata tucui anchuchishpa, Judá llactatapish, Jerusalentapish chuyayachirca.

2 CRÓNICAS 32:12

¿Manachu Ezequiasllatac Diosman ruhuashca, lomapi tiyac huasicunatapish, altarcunatapish anchuchirca? ¿Manachu chashna anchuchishpaca, Judá llactapi, Jerusalenpi causaccunataca cai altarllapimi Diosta mañana canguichic, inciensotapish rupachina canguichic nishpa mandarca?

2 REYES 18:22

Cutin cancunaca: ‘Ñucanchicta Mandac Diospimi shunguta churanchic’ nishpaca ¿Ima nishpatac lomacunapi tiyac altarcunataca Ezequiasllatac anchuchirca? Chashna anchuchishpaca, ¿manachu Judá gentecunata, Jerusalenpi causaccunataca: ‘Jerusalenpi tiyac altar ñaupapi Diosta alli nina canguichic?’ nirca.

2 REYES 8:27

Ocoziaspish Acabpac huasi ucupura shinallatacmi causarca. Paica Acabpac familiapura tucushpami, Mandac Diospac ñaupapica Acabpac huasi ucupura shinallatac mana allita ruhuashpa causarca.

2 REYES 8:18

Paica Israel llactata jatun mandaccuna, Acabpac huasi ucupura shinallatacmi mana allita ruhuashpa causarca. Paipac huarmica Acabpac ushimi carca. Chashnami Mandac Diospac ñaupapi mana allita ruhuarca.

1 REYES 18:26

Shina nicpimi, Baalmanta huillaccunaca paicunaman cushca huagrata huañuchishpa, altar jahuapi churarcacuna. Chaimantaca tutamantamanta chaupi punzhacamanmi: «¡Baal, ñucanchic mañashcata uyaiyari!» nishpa Baal diospac ñaupapi danzashpa cainarcacuna. Ashtahuanpish Baalca ima mañashcata mana uyarcachu. Paicunallatac ruhuashca altar ladopimi saltashpa muyurcacuna.

1 REYES 18:21

Chashna tandachicpimi, gentecunapac ñaupaman Elías cuchuyashpaca: —¿Ima horascamantac cancunaca cashna ishcai yuyaihuan causagringuichic? Mandac Dios, Dios cacpica, paita catichicyari. Mana cashpaca Baal dios cacpica, paita catichicyari— nirca. Shina nicpica, gentecunaca imata mana nircachu.

DEUTERONOMIO 16:21

Mandac Diospac altar ladopica Asera huarmi diosta yuyarina yurataca ama tarpunguichicchu.

DEUTERONOMIO 17:2

Mandac Dios cushca maijan llactapi, maijan cari cashpa, huarmi cashpa paihuan ari nishcata mana cazushpa, Mandac Diospac ñaupapi mana allita ruhuashpa,

DEUTERONOMIO 20:18

Chashna ruhuacpimi, paicunapac dioscunata adorashpa millana juchacunataca cancunaman mana yachachinga. Cancuna chashna ruhuashpami, mana Mandac Diospac ñaupapi juchallinguichic.

JEREMÍAS 7:30

Mandac Diosca: «Judá llactapi causaccunaca ñucapac ñaupapimi mana allita ruhuancuna. Ñuca shutita mañana huasipi millana dioscunata churashpami mapayachirca.

2 REYES 13:6

Shina quishpichicpipish, Jeroboam huasi ucupuracuna israelcunata juchata ruhuachishca shinallatacmi juchata ruhuashpa catirca. Shinallatac Asera huarmi diosta yuyarina yuratapish Samaria pueblomantaca mana anchuchircachu.

ISAÍAS 65:11

Ashtahuanpish cancunaca Mandac Dios ñucatami saquircanguichic. Ñucapaclla urcutapish cungarircanguichicmi. Suerteta cuc diosman carangapacmi mizata tendircanguichic. Causaipi alli mandac nishca diosmanmi vinota curcanguichic. Chaimantami chai allpacunataca mana japinguichic.