2 REYES 2:1 - Dios Rimashcata Quillcashcami

¹ Mandac Dios Eliasta acapana huairahuan jahua pachaman apagricucpimi, Eliasca Eliseohuan Gilgal puebloman shamurca.

2 REYES 2:1 Referans Kwoze

GÉNESIS 5:24

Enocca Dios munashca shinami causarca. Chaimantami Dios apacpi chingarirca.

HEBREOS 11:5

Crishcamantami Enocpish jahua pachaman apashca carca. Paica mana huañuita ricurcachu. Chaimantami paita mashcashpapish mana tarirca. Dios quillcachishcapica: “Enoc manarac jahua pachaman apashca cashpaca, Dios munashcatami ruhuarca” ninmi.

1 REYES 19:11

Shina nicpimi, Mandac Diosca: —Canzhaman llucshishpa, cai urcullapitac ñucapac ñaupapi shayari— nirca. Mandac Dios chashna nishpa, chaita pasacpica, yallita sinchi huairami shamurca. Chai huairami Mandac Diospac ñaupapi lomacunatapish tuñirca, rumi quingraicunatapish paquirca. Chashna cacpipish, Mandac Diosca chai huairapica mana carcachu. Huaira pasarishca quipaca allpami chucchurca. Mandac Diosca chai allpa chucchuipipish mana carcachu.

JOSUÉ 5:9

Chaipimi Mandac Diosca Josuetaca: «Cunanmi Egipto llactapi pingaichishcata anchuchini» nirca. Chaimantami chai lomataca Gilgalta shutichirca. Shinami cunancaman chai shuti can.

JOSUÉ 4:19

Israelcunaca punta quilla, chunga punzhapimi Jordán yacuta pasashpa, Gilgal pueblo lado pambapi carpacunata shayachishpa tiyarirca. Gilgal puebloca Jericó pueblomantaca inti llucshina ladomanmi carca.

APOCALIPSIS 11:12

Chai ishcai huillaccunaca jahua pachamanta: «¡Caiman huichicuichic!» nishpa, sinchita caparishcatami uyarcacuna. Chaipica paicunata piñaccuna ricucucpimi puyupi huichicurca.

HECHOS 1:9

Chaita nishca quipami, paicuna ricucucpi, Jesusca jahua pachaman apashca carca. Paita puyu pacacpica, ña mana ricurcacunachu.

SAN LUCAS 9:51

Jesusca jahua pachaman rina punzha chayamucucpimi, Jerusalén puebloman rina yuyailla carca.

JOB 38:1

Chaimantami Mandac Diosca manchana huaira chaupimanta Jobta rimashpaca:

2 REYES 4:38

Eliseoca achca yarcai punzhacunami Gilgal puebloman cutimurca. Dios ima nishcata huillaccunapac churicunapish chaipimi paihuan carca. Chaimantami Eliseoca paita servic runataca: «Dios ima nishcata huillaccunaman carangapac jatun mangapi yanui» nirca.

2 REYES 2:11

Paicuna chashna parlanacushpa ricucllapitacmi, nina japiricuc caballocunaca nina japiricuc carretacunata aisashca shamushpa, paicunata chicanyachirca. Shina chicanyachicpimi, Eliasca acapana huairapi huichai rirca.

1 REYES 19:4

Paica shitashca pambata tucui punzha rishpami enebro yura ucuman chayashpa tiyarirca. Pai huañunata munashpaca: «¡Mandac Dioslla, caicamanllami causanata munani! ¡Ñuca causaita quichuilla! ¡Ñucaca ñaupa taitacunata yalli ashtahuan allipish mana canichu!» nirca.

1 REYES 18:12

Ñuca canmanta anchurishca quipaca, Mandac Diospac Espiritumi cantaca ñuca mana yachai pudishcaman apanga. Can caipi cashcata Acabman ñuca huillacpi, canta mana tarishpaca, ñucatami huañuchinga. Canta servic ñucaca huambramanta pachami Mandac Diosta manchashpa causani.

2 REYES 1:18

Ocoziaspac shuctac ruhuashcacunapish Israel llactata jatun mandaccuna imata ruhuashcacunata quillcashcapimi ashtahuan tiyacun.