2 REYES 19:7 - Dios Rimashcata Quillcashcami

⁷ Ñucami paipi shuc espirituta churagrini. Chashna churacpica yalli manchanacunata uyashpami, paipac llactaman cutinga. Chaipimi paitaca espadahuan huañuchichun saquisha’ ninmi” ninguichic» nirca.

2 REYES 19:7 Referans Kwoze

ABDÍAS 1:1

Mandac Diosmi Abdiasman muscuipi shina ricurishpa, Edom llactapi causaccuna ima tucunamanta huillashpaca: «Mandac Dios ñuca shuc huillac tucui llactacunaman cachashpaca: “¡Edom llactapi causaccunahuan macanacungapac jatarichic, tucui jatarishunchic!” ningui nircani.

2 REYES 7:6

Mandac Diosca siriocunapac carpacuna shayachishca pambapica macanacuna carretacuna, caballocuna, shinallatac achca soldadocuna bullashpa uyarishca cachunmi ruhuashca carca. Chaita uyashpami, paicunaca caishuc chaishuc parlanacushpaca: «Israel llactata mandacmi ñucanchicta llaquichichun heteocunata, Egipto runacunata jatun mandaccunata cayashca canga» nircacuna.

JEREMÍAS 51:46

Llactacunapi llaquita uyashpapish ama manchaichicchu. Ama shaicuichicchu. Chai llaquicunaca huatantami uyaricungalla. Shuc llactata jatun mandacca shuctac llactata mandac-huanmi piñanacunga.

JEREMÍAS 51:1

Mandac Diosca: «Babilonia llactatapish, caldeocunatapish llaquichingapacmi jatun huairata cachasha.

JEREMÍAS 49:14

Shuc huillacta cachashcatami yachac chayarcani. Mandac Dios chai huillacta llactacunapi huillachun cachashpaca: «¡Tucui mashna tandanacuichic! ¡Edom llactapi causaccunahuan macanacungapac tandanacuichic!

ISAÍAS 11:4

Ashtahuanpish huacchacunataca cashcata ruhuashpami taripanga. Llaquilla causaccunataca alli ricushpami mandanga. Cai pachapi causaccunataca caspihuan macac shinami, rimashpa llaquichinga. Paita mana manchaccunataca pucushpami huañuchinga.

SALMOS 50:3

Ñucanchic Diosca mana upalla shamungachu. Paipac ñaupataca tucuchic ninahuan, paipac muyunditaca acapana huairahuanmi shamunga.

SALMOS 11:6

Mandac Diosca millaicunapac jahuapica ninatapish, rupacuc azufretapish tamyachingami. Tucuita tucuchic tamya huairatapish cachangami. Tucui caicunami copamanta ubiana llaquicuna shina canga.

JOB 15:21

Paipac ringripica manchana culun nishcami uyarin. Cushilla causacucpimi, tucuchic runa shamushpa tucuchinga.

JOB 4:9

Diospac samaillahuanmi huañuncuna. Pai yallita piñarishpa, pucucllapimi tucurincuna.

2 CRÓNICAS 32:21

Shina mañacpimi, Mandac Diosca shuc angelta cachashpa Asiria llactata jatun mandacpac carpapi cac yallita sinchi imatapish mana manchac soldadocunatapish, mandaccunatapish, chai soldadocunata mandaccunatapish huañuchirca. Chaimantami chai jatun mandacca yallita pingai tucushpa, paipac llactaman cutishpa, paipac diospac huasiman yaicurca. Chai ucuman yaicucpimi, paipac churicunallatac espadahuan huañuchirca.

2 REYES 19:28

Canca, ñucahuan piñarishpami, ñuca ringriman uyaricta, jatun tucushpa rimarircangui. Cunanca argollata singapi churashpa, frenota shimipi churashpami cantaca maita shamushcallatatac cutichishpa cachasha’ nirca.

2 REYES 19:33

Maita shamushcallatatacmi cutinga. Cai pueblomanca manatac yaicungachu. Mandac Dios ñucami chashna nini.

SALMOS 94:23

Paimi, paicuna millaita ruhuashcamantaca paicuna ima shina ruhuashca shinallatac llaquichinga. Paicuna millaita ruhuashcamantami chingachinga. Ñucanchicta Mandac Diosmi tucuchinga.