2 REYES 18:1 - Dios Rimashcata Quillcashcami

¹ Elapac churi Oseas quimsa huatata Israel llactata mandacucpimi, Acazpac churi Ezequiasca Judá llactata mandai callarirca.

2 REYES 18:1 Referans Kwoze

2 CRÓNICAS 28:27

Acaz huañushpa, paipac ñaupa taitacunahuan tandanacugricpica, Jerusalén pueblopimi enterrarca. Ashtahuanpish Israel llactata jatun mandaccunata enterrashcapica mana enterrarcachu. Paipac randica, paipac churi Ezequiasmi mandai callarirca.

1 CRÓNICAS 3:13

Jotampac churica Acaz, Acazpac churica Ezequías, Ezequiaspac churica Manasesmi carca.

2 REYES 16:20

Jatun mandac Acaz huañushpa paipac ñaupa taitacunahuan tandanacugricpica, paipac ñaupa taitacunata enterrashcallapitacmi Davidpac pueblopi enterrarca. Paipac churi Ezequiasmi paipac randi mandarca.

2 REYES 18:9

Judá llactata jatun mandac Ezequías chuscu huatata mandacucpimi, Elapac churi Oseasca canchis huatata Israel llactata mandacurca. Chai huatapimi Asiria llactata jatun mandac Salmanasarca Samaria puebloman shamushpa, chai pueblota muyurca.

2 REYES 16:2

Acazca ishcai chunga huatata charishpami, mandai callarirca. Chunga sucta huatatami Jerusalenpi mandarca. Paita Mandac Diospac ñaupapica ñaupa taita David shina allica mana causarcachu.

2 REYES 15:30

Elapac churi Oseasmi pacalla parlanacushpa, Remaliaspac churi Pekataca chugrichishpa huañuchirca. Chashna huañuchishpami, Pekapac randi mandai callarirca. Azariaspac churi Jotam ishcai chunga huatata mandacucpimi, chashnaca tucurca.

2 REYES 17:1

Judá llactata jatun mandac Acaz chunga ishcai huatata mandacucpimi, Elapac churi Oseasca Israel llactata mandai callarirca. Paica iscun huatatami Samaria pueblopi mandarca.

2 CRÓNICAS 29:1

Ezequiasca ishcai chunga pichca huatata charishpami mandai callarirca. Paica ishcai chunga iscun huatatami Jerusalenpi mandarca. Paipac mamaca Zacariaspac ushi Abiasmi carca.

MIQUEAS 1:1

Jatun mandac Jotam, Acaz, Ezequías Judá llactata mandacui punzhacunapimi Mandac Diosca Moreset llactamanta Miqueasman Samaria llactatapish, Jerusalentapish llaquichinamanta muscuipi shina huillarca.

2 CRÓNICAS 29:29

Ña rupachishpa, tucui tucuchishca quipaca jatun mandacpish, paihuan cac tandanacushca gentecunapish cumurishpami, Diostaca allimari cangui nircacuna.