2 REYES 15:5 - Dios Rimashcata Quillcashcami

⁵ Mandac Dios jatun mandacta llaquichicpimi, paica huañuna punzhacaman lepra ungüihuan huasipi chicanyachishca causarca. Mandana huasipica jatun mandacpac churi Jotammi gentecunata mandacurca.

2 REYES 15:5 Referans Kwoze

LEVÍTICO 13:46

Ungüihuan cashca punzhacunaca sisu mapami canga. Shina mapa cashcamantami carpa huasimanta llucshishpa, pailla carupi causanga.

NÚMEROS 12:14

Shina mañacpimi, Mandac Diosca Moisestaca: «Paipac taita ñahuipi tocacpica, ¿manachu canchis punzhacaman pingaihuan canga? Chaimanta canchis punzhacaman carpa huasicunamanta llucshishpa cachai. Chai quipami israelcunahuan cutin tandanacunga» nirca.

SALMOS 72:1

Dioslla, cashcata ruhuanata jatun mandacman yachachiyari. Paipac churimanpish allita mandanata yachachiyari.

JOB 34:19

Paica jatun mandaccunatapish mana ñahuita ricushpalla allita ruhuan. Paica paipac maquihuan ruhuashca cacpimi, huacchacunamanpish, chariccunamanpish chashnallatac ruhuan.

2 REYES 7:3

Samaria pueblo yaicunapimi lepra ungüi japishca chuscu runacuna tiyarca. Paicunami caishuc chaishuc parlanacushpaca: —¿Ima nishpatac caipica huañuita shuyashpa tiyacunchic?

2 REYES 5:27

Can chashna ruhuashcamantaca Naamanpac lepra ungüica canpi llutaric shinami cantapish, cambac huahuacunatapish huiñaita llaquichinga— nirca. Shina nicpi, lepra ungüi japicpi, chai runapac aichaca rasu shina yuranlla tucushpa, Eliseopac ñaupamanta llucshirca.

1 REYES 3:28

Chai piñanacuita jatun mandac allichishcataca tucui israelcunami yacharca. Dios cushca alli yuyaihuan imatapish allichishcata yachac chayashpami Salomontaca tucui mashna cazurcacuna.

1 REYES 3:9

Chaimanta can acllashca gentecunata mandangapac alli yuyaita charic shunguta ñucaman cui. Shinallatac ima alli cacta, mana alli cactapish ricushpa allichingapac yachaita cui. Cai tucui gentecunata mandanataca ¿Pitac pudingayari?— nirca.

2 SAMUEL 8:15

Davidca tucui israelcunatami mandacurca. Paica allita ruhuashpami, imatapish cashcata ruhuashpa mandacurca.

2 SAMUEL 3:29

¡Ashtahuanpish chai yahuarmantaca Joabpac, paipac huasi ucupuracunapac jahuapi llaqui urmachun! Joabpac huasi ucupurapica yahuar llucshic ungüipish, lepra ungüipish, suchucunapish, espadahuan huañuchishcacunapish, yarcaipish, jaicapi ama illachun— nirca.

DEUTERONOMIO 24:8

Lepra ungüi ricuricpica, levita curacuna mandashcata allita yachacunguichic. Paicuna tucui nishcata ruhuanguichic. Ñuca nishcacunataca tucuita pactachinguichic.

NÚMEROS 12:10

Mandac Dios-huan tupana huasi jahuamanta puyu anchuricpica, Mariaca tucui cuerpomi leprahuan rasu shina yuracyashca saquirirca. Aarón tigrarishpa ricucpica, Mariaca leprahuanmi cashca carca.

2 REYES 15:6

Azariaspac shuctac ruhuashcacunapish, imacunallata ruhuashcacunapish, Judá llactata jatun mandaccuna imata ruhuashcacunata quillcashcapimi tiyacun.

1 CRÓNICAS 5:17

Judá llactata jatun mandac Jotam, Israel llactata jatun mandac Jeroboam mandacui punzhacunami paicunapac ñaupa taitacunata catishpa yupashca carca.

OSEAS 1:1

Judá llactataca jatun mandac Uzías, Jotam, Acaz, Ezequías mandacucpi, cutin Israel llactataca Joaspac churi jatun mandac Jeroboam mandacui punzhacunapimi, Mandac Dios Beripac churi Oseasman huillarca.

MIQUEAS 1:1

Jatun mandac Jotam, Acaz, Ezequías Judá llactata mandacui punzhacunapimi Mandac Diosca Moreset llactamanta Miqueasman Samaria llactatapish, Jerusalentapish llaquichinamanta muscuipi shina huillarca.

2 REYES 15:32

Remaliaspac churi Peka ishcai huatata Israel llactata mandacucpimi, Uziaspac churi Jotamca Judá llactata mandai callarirca.

1 CRÓNICAS 3:12

Joaspac churica Amasías, Amasiaspac churica Azarías, Azariaspac churica Jotammi carca.