2 REYES 15:12 - Dios Rimashcata Quillcashcami

¹² Mandac Dios Jehuta rimashpaca: «Cambac huahuacunami chuscu miranacuicaman Israel llactata mandanapi tiyaringa» nirca. Chaica chashnami tucurca.

2 REYES 15:12 Referans Kwoze

2 REYES 10:30

Chaimantami Mandac Diosca Jehutaca: «Chashna huañuchishpa ñuca ñaupapi tucuchishpaca allitami ruhuashcangui. Acabpac huasi ucupuracunataca ñuca shungupi yuyashca shinami ruhuashcangui. Chaimantami cambac huahua huahuacunaca chuscu miraicaman Israel llactata mandangapac tiyaringacuna» nirca.

HECHOS 1:16

«Huauquicuna, Jesusta Judas japichina cashcataca, ñaupamanmi Diospac Espíritu yuyaita cucpi, Davidca quillcachishca. Chaica pactanami carca.

SAN JUAN 19:24

Chaimantami soldadocunaca: —Ama lliquishun, ashtahuanpish suerteta ruhuashpa, japishun— ninacurca. Chashnami Dios quillcachishcapi: «Ñuca churanacunataca chaupinacurcami. Cutin ucu churanataca suerteta ruhuashpami japirca» nishcaca pactarca. Chashnami soldadocunaca ruhuarca.

SAN JUAN 10:35

Dios quillcachishcataca mana llullanchu. Chaitaca yachanguichicmi. Diosca pai rimashcata uyaccunataca “cancunami dioscuna canguichic” nircami.

MARCOS 13:31

Jahua pachapish, cai pachapish tucuringami. Ashtahuanpish ñuca huillashcacunaca pactacungallami.

ZACARÍAS 1:6

Ashtahuanpish ñuca rimashcacunata, ñuca mandashcacunata, ñuca ima nishcata huillac ñucata serviccuna huillachishcaca, ¿manachu cancunapac ñaupa taita causacui punzhacunapi pactarca? Chaimantami paicuna ñucapacman cutimushpaca: “Mandac Diosca mana alli ñancunapi ñucanchic purishca shinallatac, mana allita ruhuashca shinallatacmi llaquichinata yuyarirca. Paica ñucanchictaca chashnallatacmi ruhuarca” nircacuna nishpa huillai» nirca.

2 REYES 14:29

Jeroboam huañucpica, Israel llactata jatun mandaccuna enterrashcallapitacmi enterrarca. Paipac randica paipac churi Zacariasmi mandarca.

2 REYES 13:13

Joás huañushpa paipac ñaupa taitacunahuan tandanacucpica, Jeroboammi paipac mandashpa tiyarinapi tiyarirca. Joastaca Israel llactata jatun mandaccunata enterrashcallapitacmi Samaria pueblopi enterrarca.

2 REYES 13:10

Judá llactata jatun mandac Joás quimsa chunga canchis huatata mandacucpimi, Joacazpac churi Joasca Israel llactata Samaria pueblopi mandai callarirca. Paica chunga sucta huatatami mandarca.

2 REYES 13:1

Ocoziaspac churi Joás Judá llactata ishcai chunga quimsa huatata mandacucpimi, Jehupac churi Joacazca Israel llactata mandai callarirca. Paica chunga canchis huatatami Samaria pueblopi israelcunata mandarca.

NÚMEROS 23:19

Diosca mana aichayuc runa shina llullacchu. Paica mana runapac churi shina, quipata pandarishcanimi nicchu. Paica imata ruhuasha nishpaca, ¿manachu ruhuangatac? Imata nishcataca, ¿manachu pactachinga?

2 REYES 10:10

Mandac Dios Acabpac huasi ucupurata tucuchishami nishcaca mana pambapi urmashca shina yanga canchu. Mandac Diosmi paita servic Eliasta huillachishcata pactachishca. Chaitaca yuyarinami canguichic» nirca.

2 REYES 15:11

Zacarías shuctac ruhuashcacunapish Israel llactata mandaccuna imata ruhuashcacunata quillcashcapimi tiyacun.

1 SAMUEL 3:19

Samuelca huiñarcami, Mandac Diospish paihuanmi carca. Chaimantami Dios rimashca shimicunata tucui pactachirca.