2 REYES 13:9 - Dios Rimashcata Quillcashcami

⁹ Joacaz huañushpa, paipac ñaupa taitacunahuan tandanacucpica, Samaria pueblopimi enterrarca. Paipac randica, paipac churi Joasmi mandarca.

2 REYES 13:9 Referans Kwoze

2 REYES 14:8

Chai quipami Amasiasca Jehupac nieto Joacazpac churi Israel llactata jatun mandac Joaspacman huillaccunata cacharca. Paicunataca: «Shamui ñahui ñahui ricunacushun» nichunmi cacharca.

2 REYES 13:13

Joás huañushpa paipac ñaupa taitacunahuan tandanacucpica, Jeroboammi paipac mandashpa tiyarinapi tiyarirca. Joastaca Israel llactata jatun mandaccunata enterrashcallapitacmi Samaria pueblopi enterrarca.

2 REYES 13:10

Judá llactata jatun mandac Joás quimsa chunga canchis huatata mandacucpimi, Joacazpac churi Joasca Israel llactata Samaria pueblopi mandai callarirca. Paica chunga sucta huatatami mandarca.

2 REYES 10:35

Jehú huañushpa, paipac taitacunahuan tandanacugricpica, Samaria pueblopimi enterrarca. Paipac randica, paipac churi Joacazmi mandai callarirca.

1 REYES 14:13

Paitaca tucui israelcunami llaquirishpa, huacashpa enterrangacuna. Jeroboampac huahua huahuacunamantaca paillami israelcunata Mandac Diospac ñaupapica alli ricurishca. Chaimantami chai huasi ucupuramantaca paillatac enterrangacuna.

2 REYES 13:8

Joacazpac shuctac ruhuashcacunapish, imacunallata ruhuashcacunapish, sinchi mandac cashcapish, israelcunata jatun mandaccuna tucui imata ruhuashcata quillcashcapimi tiyacun.