2 REYES 13:4 - Dios Rimashcata Quillcashcami

⁴ Chaimantami Joacazca Mandac Diosta mañarca. Mandac Diosca Siria llactata jatun mandac israelcunata yallita llaquichicucpimi, Joacaz mañashcata uyarca.

2 REYES 13:4 Referans Kwoze

2 REYES 14:26

Mandac Diosca israelcuna yalli llaquita causacuctami ricurca. Paicunata ayudangapacca servishpa causacpish, mana servishpa causacpish pipish mana tiyarcachu.

ÉXODO 3:7

Shinallatac Mandac Diosca: —Egiptopi ñuca acllashcacuna llaquita apacucta ricunimi. Paicuna llaquimanta mañashcata uyanimi. Paicuna mai llaquita apashcatapish yachanimi.

SALMOS 78:34

Shina huañuchicucpimi, Diosta mashcarcacuna. Shinami tucui munaihuan mana shaicushpa mashcarcacuna.

JEREMÍAS 33:3

Ñucata caparishpa mañailla, ñucaca uyashallami. Can mana yachashca, pacalla tiyacuc jatun yachaicunatami yachachisha.

ISAÍAS 63:9

Paicuna llaquilla japicpica, paipish llaquillami tucurca. Paica, mana paipac angelta cachashpachu quishpichirca. Ashtahuanpish pai llaquishcamanta, yallita cuyashcamantami quishpichishpa pushamurca. Chashnami sarun huatacunapi shina, tucui punzhacunapi jatarichishpa pushamurca.

SALMOS 50:15

Llaqui punzhacunapi cashpa, ñucata mañangui. Ñuca llaquimanta llucchicpica, ñucata alli ningui» ninmi.

NÚMEROS 21:7

Chaimantami israelcuna Moisespacman rishpaca: «Ñucanchicca Mandac Diostapish, cantapish rimarishpami juchallishcanchic. Cunanca tucui cai culebracuna ñucanchic chaupimanta anchurichun, Mandac Diosta mañashpa cui» nirca. Chashna nicpimi, Moisesca tucui israelcunamanta Diosta mañarca.

ÉXODO 3:9

Riquichic, Egipto runacuna israelcunata llaquichicuctapish ricunimi. Israelcuna huacashpa mañashcatapish uyarcanimi.

GÉNESIS 21:17

Huahua huacashca Diosman uyaricpimi, Diospac ángel jahua pachamanta Agarta cayashpaca: «Agar, ¿imatac tucungui? Ama manchaichu, cambac huahua chaipi huacacuctaca Diosca uyarcami.

JEREMÍAS 2:27

Shuc yurata: “Canmi ñuca taita cangui” niccunapish, shuc rumita: “Canmi ñuca mama cangui” niccunapish, pingai tucungami. Paicunaca ñucaman ñahuita ricuchina shinaca, huashatami ricuchin. Cutin llaqui japicpica: “¡Quishpichingapac jatariyari!” nicuncunami.

2 CRÓNICAS 33:19

Mandac Diosta mañacpi, Dios uyashcapish, tucui juchacunata ruhuashcapish, mana cazushcapish, mana allita ruhuashcamanta manarac llaquirishpa maipi altarcunata ruhuashca pushtucunamantapish, Asera huarmi diosta yuyarina yurata shayachishcapish, yanga dioscunata ruhuashcapish, Dios ricuchishcata huillaccuna quillcashcapimi tiyacun.

2 REYES 13:22

Joacaz mandacui tucui huatacunapimi Siria llactata jatun mandac Hazaelca israelcunata yallita llaquichishpa charirca.

JUECES 10:10

Chaimantami israelcunaca Mandac Diosta caparishpa mañashpaca: —Canta servinata saquishpa shuctac Baal dioscunata servishpami canta piñachishpa juchallishcanchic— nirca.

GÉNESIS 31:42

Abrahampacpish, ñuca taita Isaacpacpish manchana Dios mana ñucahuan cacpica, chushac maquitami cachanguiman carcangui. Shina cacpipish, Diosmi ñuca llaquilla cashcata, ñuca servishcata ricushpa, tuta ricurishpa, cantaca rimarca— nirca.

ISAÍAS 26:16

Mandac Dioslla, yallita llaquihuan cashpami, cantaca mashcarca. Can llaquichicpica, yallitami mañarca.

2 REYES 13:23

Mandac Diosca Abrahamhuan, Isaac-huan, Jacobohuan ari nishcamantami paicunataca yallita llaquirca. Chaimantami paicunataca tucuchingapac paipac ñaupamanta llucchishpa, cachanatapish mana munarca.

ESDRAS 8:23

Ñucanchicca mana micushpami alli pushachun nishpa mañarcanchic. Chai mañashcata uyashpami, ñucanchicta alli pushamurca.

JOB 22:27

Can paita mañacpica uyangami. Canpish paiman imata cusha nishcataca pactachinguimi.