2 REYES 13:3 - Dios Rimashcata Quillcashcami

³ Chaimantami Mandac Diosca israelcunahuan nina japiric shina piñarishpa, Siria llactata jatun mandac Hazaelpac maquipi, Hazaelpac churi Ben-adadpac maquipi tauca huatacunata llaquita apachun churarca.

2 REYES 13:3 Referans Kwoze

1 REYES 19:17

Chashna ruhuacpimi, Hazaelpac espadahuan huañuchinamanta miticushpa rictaca Jehú huañuchinga. Jehupac espadahuan huañuchinamanta miticushpa rictaca Eliseo huañuchinga.

JUECES 2:14

Chaimantami Mandac Diosca nina japiric shina piñarishpa israelcunataca imatapish shuhuashpa puriccunapac maquipi churarca. Shinallatac chai muyundipi causac paicunata piñac gentecunapac maquipi churacpimi, israelcunaca paicunataca mana ati pudirca.

2 REYES 12:17

Chai punzhallatacmi Siria llactata jatun mandac Hazaelca Gat pueblopi causaccunahuan macanacushpa, chai pueblota quichurca. Chai quipaca Jerusalenpi causaccunahuan macanacungapac huichai rinatami yuyarirca.

HEBREOS 12:29

Chaica, ñucanchic Diosca tucuita rupachic nina llama shinami.

2 REYES 13:22

Joacaz mandacui tucui huatacunapimi Siria llactata jatun mandac Hazaelca israelcunata yallita llaquichishpa charirca.

JUECES 3:8

Chaimantami Mandac Diosca nina japiric shina piñarishpa, israelcunataca Mesopotamia llactata mandac Cusan-risataimpac maquipi churarca. Chaipimi paicunaca pusac huatata servirca.

DEUTERONOMIO 28:25

Mandac Diosca cancunataca piñaccunapac maquipimi llaquichichun churanga. Cancunaca macanacungapacca shuc ñanllatami llucshinguichic. Cutin paicunapac ñaupamantaca canchis ñantami cutinguichic. Chaita ricushpaca, tucui cai pachapi tiyac jatun mandaccunami mancharinga.

LEVÍTICO 26:17

Ñucaca cancunata piñashami. Shina piñacpimi, cancunata piñaccunaca atishpa chugrichinga. Cancunata mana ricunayachiccunami manchachishpa changa. Manapish pi ima nicucpimi, miticushpa puringuichic.

JEREMÍAS 49:27

Damasco pircapica ninatami japichisha. Chai ninami Ben-adad mandana huasitapish tucuchinga» ninmi.

AMÓS 4:10

Egipto llactata llaquichishca shina llaquichicpipish, cancunapac churicunata jatun macanacuita cachashpa huañuchicpipish, cancunapac caballocunata cancunata piñaccuna prezushpa aparicpipish, achca soldadocuna huañushpa ismushca ashnacucpipish cancunaca mana ñucapacman cutirircanguichicchu.

2 REYES 17:20

Chaimantami Mandac Diosca israelcunapac tucui huahua huahuacunataca saquirca. Paipac ñaupamanta anchuchingacamanmi shuhuashpa causaccunapac maquipi churashpa llaquichirca.