2 REYES 13:1 - Dios Rimashcata Quillcashcami

¹ Ocoziaspac churi Joás Judá llactata ishcai chunga quimsa huatata mandacucpimi, Jehupac churi Joacazca Israel llactata mandai callarirca. Paica chunga canchis huatatami Samaria pueblopi israelcunata mandarca.

2 REYES 13:1 Referans Kwoze

2 REYES 11:21

Joasca canchis huatata charishpami mandai callarirca.

2 REYES 11:4

Ashtahuanpish canchis huata tucucpimi, Joiada curaca patsac soldadocunata, mandana huasita cuidaccunata tandachishpa, Mandac Diospac huasi ucuman pusharca. Chai huasi ucupimi paicunahuan shuclla yuyai tucushpa ari ninacurca. Chai quipami jatun mandac Ocoziaspac churi Joastaca ricuchirca.

2 REYES 8:26

Ocoziasca ishcai chunga ishcai huatayuc cashpami mandai callarirca. Paica shuc huatallatami Jerusalenpi mandarca. Paipac mamaca Israel llactata jatun mandac Omripac ushi Ataliami carca.

2 REYES 12:21

Paica paita servic Simeatpac churi Josacar, Somerpac churi Jozabad chugrichicpimi huañurca. Joastaca paipac ñaupa taitacunata enterrashca Davidpac pueblollapitacmi enterrarca. Paipac randica, paipac churi Amasiasmi mandarca.

2 REYES 13:2

Paica Nabatpac churi Jeroboam israelcunata juchata ruhuachishca shinallatacmi Mandac Diospac ñaupapica mana allita ruhuashpa, juchallishpa catirca.

2 REYES 10:30

Chaimantami Mandac Diosca Jehutaca: «Chashna huañuchishpa ñuca ñaupapi tucuchishpaca allitami ruhuashcangui. Acabpac huasi ucupuracunataca ñuca shungupi yuyashca shinami ruhuashcangui. Chaimantami cambac huahua huahuacunaca chuscu miraicaman Israel llactata mandangapac tiyaringacuna» nirca.

2 REYES 12:1

Jehú canchis huatata mandacucpimi, Joasca mandai callarirca. Paica chuscu chunga huatatami Jerusalenpi mandarca. Paipac mamaca Beerseba pueblomanta Sibiami carca.

2 REYES 13:10

Judá llactata jatun mandac Joás quimsa chunga canchis huatata mandacucpimi, Joacazpac churi Joasca Israel llactata Samaria pueblopi mandai callarirca. Paica chunga sucta huatatami mandarca.

2 REYES 15:12

Mandac Dios Jehuta rimashpaca: «Cambac huahuacunami chuscu miranacuicaman Israel llactata mandanapi tiyaringa» nirca. Chaica chashnami tucurca.