Biblia Todo Logo
Bib sou entènèt

- Piblisite -




2 REYES 12:7 - Dios Rimashcata Quillcashcami

7 Jatun mandac Joasca Joiada curatapish, caishuc curacunatapish cayashpaca: «¿Ima nishpatac Mandac Diospac huasi chictarishcacunataca cunancaman manarac allichinguichic? Cunanca, cullquita huacaichiccunapac maquimanta mana japinachu canguichic. Ashtahuanpish Diospac huasi chictarishcacunata allichichunmi cuna canguichic» nirca.

Gade chapit la Kopi




2 REYES 12:7
9 Referans Kwoze  

Pai huañucpica, Davidpac pueblopimi jatun mandaccunata enterrashca ladopi enterrarca. Paitaca israelcunamanpish, Mandac Diosmanpish, Diospac huasipipish allita ruhuashcamantami chaipi enterrarca.


Canchis huata tucucpimi, Joiadaca paihuan shuc yuyailla tucushpa ari nichuncuna patsac soldadocunata mandaccunata cayachun cacharca. Chai mandaccunaca: Jerohampac churi Azarías, Johananpac churi Ismael, Obedpac churi Azarías, Adaipac churi Maasías, Zicripac churi Elisafatmi carcacuna.


Shina nicpimi Joabca: —¡Mandac Dios pai acllashca israelcunataca cunan cashcamanta patsac cutinhuan yallita mirachichun! Jatun mandac ñuca amolla, ¿manachu tucui paicunaca ñuca amota serviccuna? Ñuca amo canca ¿Imapactac yupachun mandangui? ¿Imapactac israelcunapac llaquita ruhuashun?— nirca.


Joasca Joiada cura yachachishpa causacuc tucui huatacunami Mandac Diospac ñaupapi allita ruhuashpa causarca.


Ashtahuanpish canchis huata tucucpimi, Joiada curaca patsac soldadocunata, mandana huasita cuidaccunata tandachishpa, Mandac Diospac huasi ucuman pusharca. Chai huasi ucupimi paicunahuan shuclla yuyai tucushpa ari ninacurca. Chai quipami jatun mandac Ocoziaspac churi Joastaca ricuchirca.


Jatun mandac Joás ishcai chunga quimsa huatata mandangacamanpish curacunaca Diospac huasi pirca chictataca manarac allichircacunachu.


Shina nicpimi, curacunaca gentecuna apamushca cullquitaca mana ashtahuan japisha nircacuna. Shinallatac Diospac huasi chictarishcacunatapish mana paicuna allichisha nircacuna.


«Tucuita Mandac Diosca: Cai gentecunaca: “Mandac Diospac huasita cutin ruhuana punzhacunaca manarac chayamunchu” nincunami» nirca.


Swiv nou:

Piblisite


Piblisite